पुणे शहराची ओळख शिक्षणाचे माहेरघर अशी असली तरी शिक्षण शिक्षण आणि शिक्षणच अशी शिक्षणाची पुरेपूर ओळख असलेल्या कर्वेनगरच्या भागांमध्ये पुणे महापालिकेच्या वतीने अध्ययावत प्राथमिक शिक्षण देण्याच्या उद्देशाने कर्वेनगर चा युवा चेहरा स्वप्निल दुधाने यांनी भारतरत्न डॉक्टर ए.पी.जे अब्दुल कलाम ई- लर्निंग स्कूल ची स्थापना केल्यानंतर परिसरातील सर्वसामान्य नागरिकांच्या घरातील मुलांनाही आधुनिक शिक्षणाची द्वारे खुली झाली. भारतरत्न डॉक्टर महर्षी कर्वे यांच्या पदस्पर्शाने पावन झालेल्या कर्वेनगर भागात पुन्हा एकदा सामान्य माणसाला नव्या शिक्षणाची द्वारे खुली झाल्याने पुणे शहरातील सर्वोत्तम शासकीय संस्था म्हणून या संस्थेचा आजही गौरवच केला जात आहे. एखाद्या प्रतिष्ठित संस्थेप्रमाणे या पुणे महापालिकेच्या शाळेमध्ये प्रवेश मिळवण्यासाठी लागणाऱ्या रांगा अन पालकांची धावपळ ही संस्थेच्या दर्जाची पावती आहे.
स्वर्गीय माजी उपमुख्यमंत्री अजितदादा पवार यांच्या विचारसरणीने प्रेरित झालेला कर्वेनगरचा ‘कामाचा माणूस’ अशी नवी ओळख निर्माण केलेले नगरसेवक स्वप्नील दुधाने यांच्या वतीने परिसरात नवीन शैक्षणिक क्रांतीच्या पहिला मजल्याचे भूमिपूजन रविवार, दि. १४ जून रोजी सकाळी ११ वाजता आयोजित करण्यात आले आहे. आपल्या प्रभागात भारतरत्न डॉ. ए. पी. जे. अब्दुल कलाम ई-लर्निंग स्कुल विकसित केले असून या स्कुलच्या माध्यमातून विद्यार्थी वर्गाला उत्तमोत्तम शिक्षण उपलब्ध करून देण्याचा विडा उचलला. परिसरातील नागरिकांचा अभूतपूर्व प्रतिसाद आणि विद्यार्थी वर्गाची शैक्षणिक प्रगती पाहता शाळेचा पहिला मजला विकसित करणे क्रमप्राप्त असल्यानेच मागील दोन वर्षापासून या या इमारतीच्या कामासाठी पाठपुरावा करत आहे. जवळपास एक वर्षाच्या पाठपुरावा नंतर सदर कामास मंजुरी आणली असून सदर कामाचा १४ जून रोजी भूमिपूजन सोहळा माजी आमदार सुनिलभाऊ टिंगरे यांच्या शुभहस्ते संपन्न होत असल्याचे नगरसेवक स्वप्निल दुधाने यांनी ‘लोकायत’शी बोलताना सांगितले.
सर्वसामान्यांच्या हितार्थ एखादा उपक्रम असला अन आपली भूमिका प्रामाणिक सेवाभावी असल्यास प्रशासकीय स्तरावर सुद्धा त्यास चांगला प्रतिसाद मिळतो याचे उत्तम उदाहरण म्हणून कर्वेनगर परिसरातील हे शैक्षणिक संकुल असून सर्वसामान्य नागरिकांच्या मुलांना उत्तमोत्तम देण्यासाठी हा सेवा रथ सुरू करण्यात आला असून विकासवादी विचारधारा असणाऱ्या सर्व नागरिकांनी या उपक्रमाला साथ व पाठबळ देण्यासाठी उपस्थित राहावे अशी विनंती आयोजक म्हणून नगरसेवक स्वप्निल दुधाने यांनी केली आहे.
