कोथरूडमध्ये सामाजिक व ज्ञाती संस्थांच्या पदाधिकाऱ्यांचा दिवाळी फराळ स्नेहमेळावा उत्साहात संपन्न; सामाजिक एकोपा, समरसतेचा विचार जपण्याचा संकल्प!

0

पुणे : कोथरूड परिसरातील विविध सामाजिक व ज्ञाती संस्थांचे अध्यक्ष, पदाधिकारी, सामाजिक कार्यकर्ते आणि सर्वपक्षीय कार्यकर्ते यांना एकत्र आणत दिवाळीच्या सणानिमित्त दिवाळी फराळ स्नेहमेळाव्याचे आयोजन रमेश चव्हाण मित्रपरिवाराच्या वतीने करण्यात आले होते. कर्वेनगर येथील शैलेश सभागृहात हा कार्यक्रम मोठ्या उत्साहात आणि आनंदी वातावरणात पार पडला.

या कार्यक्रमाला राज्याचे उच्च व तंत्रशिक्षण मंत्री तथा पुण्याचे पालकमंत्री मा. श्री. चंद्रकांतदादा पाटील, ह.भ.प. वांजळे महाराज, सुहास जी परळीकर विविध मंडळांचे अध्यक्ष, सामाजिक संस्थांचे पदाधिकारी, सामाजिक पदाधिकारी, सर्वपक्षीय राजकीय पदाधिकारी, पत्रकार बंधू आणि सोसायट्यांचे नागरिक उपस्थित होते.

अधिक वाचा  दिवंगत श्रीपाद ढेकणे स्मृतिप्रीत्यर्थ कोथरूडमध्ये ‘श्रीपाद स्मृती’ अभ्यासिका; ना. चंद्रकांतदादा पाटील यांचा पुढाकार

दिवाळी हा सण आनंद, प्रेम, बंधुभाव आणि एकमेकांशी नाती जोडण्याचा सण आहे. याच भावनेतून कोथरूडमधील विविध समाजांच्या ज्ञाती संस्थांचे अध्यक्ष, पदाधिकारी आणि सामाजिक क्षेत्रात कार्यरत असणाऱ्या व्यक्तींना एका व्यासपीठावर आणण्याचा हा प्रयत्न होता.

समाजातील विविध घटकांमध्ये संवाद वाढावा, सर्व समाजांनी एकमेकांच्या सुख-दुःखात सहभागी व्हावे, सामाजिक एकोपा व समरसता अधिक दृढ व्हावी, समाजामध्ये समानतेची भावना निर्माण व्हावी आणि व्यापक विचार अधिक बळकट व्हावा, हा या स्नेहमेळाव्यामागील मुख्य उद्देश होता.

राजकीय पक्ष, जात-पात आणि सामाजिक भेद बाजूला ठेवून आपण सर्वजण एकाच समाजाचे घटक आहोत, ही भावना अशा उपक्रमांतून अधिक दृढ होते. सामाजिक सलोखा आणि एकतेचा संदेश देणारा हा दिवाळी फराळ स्नेहमेळावा उपस्थितांसाठी आनंददायी आणि आपुलकीचा ठरला. या उपक्रमाचे आयोजन रमेश चव्हाण मित्रपरिवाराच्या वतीने करण्यात आले होते.

अधिक वाचा  एमपीएससी परीक्षांमधील कथित गैरव्यवहार आयोगाचे दोन सदस्य चौकशी समितीच्या रडार वर? तुकाराम मुंढे काय कारवाई करणार?