लोकसभा, विधानसभेच्या निवडणुकीनंतर आगामी होऊ घातलेल्या स्थानिक स्वराज्य संस्थांच्या निवडणुकीसाठी प्रत्येक पक्षाकडून कार्यकर्त्यांची चाचपणी केली जात आहे. दरम्यान, सत्तेत असलेल्या भाजपकडून कार्यकर्त्यांना ऊर्जा देण्यासाठी विविध समित्यांवर नियुक्ती दिली जात आहे, याच अनुषंगाने भोकरदन-जाफराबादचे आमदार संतोष दानवे यांनी ग्रामीण रुग्णालयाच्या रुग्णकल्याण कार्यकारी समिती व रुग्णकल्याण नियामक समितीच्या सदस्यपदी कार्यकर्त्यांची वर्णी लावली आहे. जाफराबाद येथील ग्रामीण रुग्णालयाच्या रुग्णकल्याण कार्यकारी समिती व रुग्णकल्याण नियामक समितीच्या सदस्यपदी शहरातील भाजप कार्यकर्ते गजानन लहाने, शेख कौसर व अनिल वरगणे यांची निवड केली आहे, तर टेंभुर्णी येथील ग्रामीण रुग्णालयातील समितीवर शालिकराव मस्के, सुरेश सोळुंके व मनोज पंडित यांची निवड झाली आहे.

ग्रामीण भागामध्ये विविध अशासकीय समित्यांवर कार्यकर्त्यांच्या नियुक्त्या केल्यास कार्यकर्त्यांना उभारी मिळते. त्याच अनुषंगाने आमदार संतोष दानवे यांनी सद्यःस्थितीत रुग्णकल्याण समितीच्या सदस्यपदी पदाधिकाऱ्यांची निवड केली आहे. दरम्यान, यामुळे कार्यकर्त्यांच्या अशा पल्लवीत झाल्या आहेत.

आपल्याला एखाद्या समितीवर सदस्य म्हणून नियुक्ती मिळेल, या आशेवर अनेक कार्यकर्ते पुन्हा जोमाने कामास लागण्याची चिन्हे आहेत. दरम्यान, स्थानिक स्वराज्य संस्थांच्या निवडणुकांमध्ये जास्तीत-जास्त कार्यकर्त्यांचा सहभाग वाढविण्यासाठी भाजप प्रयत्नशील असल्याचे दिसत आहेत. याच माध्यमातून कार्यकर्त्यांची मोट बांधण्याचे काम या माध्यमातून होताना दिसत आहे.

कार्यकर्त्यांमध्ये उत्साह

ग्रामीण रुग्णालयाची समिती स्थापन होऊन त्यामध्ये कार्यकर्त्यांच्या निवडी झाल्या आहेत. दरम्यान, आणखी विविध प्रशासकीय समित्यांवर आपली वर्णी लागेल, ही अपेक्षा कार्यकर्त्यांची आहे. संजय गांधी निराधार समिती, सार्वजनिक वितरण दक्षता समिती, रोजगार हमी समिती, शांतता समिती, तालुका तक्रार निवारण समिती, जलयुक्त शिवार अभियान समिती, एकात्मिक विकास पुनर्विलोकांन समिती या समित्यांसह अन्य समित्यांवर वर्णी लागण्याच्या अपेक्षेने कार्यकर्त्यांमध्ये उत्साह आहे.

निवडणुका डोळ्यासमोर ठेवून पद

स्थानिक पदाधिकारी व कार्यकर्त्यांना विविध प्रकारच्या शासकीय प्रशासकीय समित्यांवर जनतेची कामे सुरळीत व्हावी, म्हणून नियुक्ती दिले जाते. विशेषतः सार्वजनिक वितरणासाठी असलेली दक्षता समिती, निराधारांचे प्रश्न मार्गी लावण्यासाठी असलेली संजय गांधी निराधार योजना समितीवर निवड होण्यासाठी अनेकांची इच्छा असते. दरम्यान, आगामी निवडणुका डोळ्यासमोर ठेवून कार्यकर्त्यांना पदे बहाल केली जातील, असा सूर कार्यकर्त्यांतून निघत आहे.

आमदार योगेश टिळेकर यांचे मामा सतीश तात्याबा वाघ (वय ५८, रा. फुरसुंगी, सासवड रस्ता) यांच्या निर्घृण हत्येचे गूढ आता उलगडू लागले आहे. या प्रकरणाचा मुख्य सूत्रधार अक्षय जावळकर असून, त्याला कटात सामील करणारी मोहिनी वाघच असल्याचा धक्कादायक खुलासा पोलिसांनी दाखल केलेल्या आरोपपत्रातून झाला आहे. विशेष म्हणजे, सतीश वाघ यांचा काटा काढण्यासाठी जादूटोण्याचा प्रयोग करण्यात आल्याचे या चौकशीत समोर आले आहे.

१,००० पानी आरोपपत्र दाखल; सहा आरोपींवर गुन्हा दाखल

या प्रकरणाचा तपास सुरू असताना, पुण्यातील लष्कर न्यायालयात गुन्हे शाखेच्या अधिकाऱ्यांनी तब्बल १,००० पानी आरोपपत्र दाखल केले आहे. या आरोपपत्रात प्रमुख आरोपी अक्षय जावळकर आणि मोहिनी वाघ यांच्यासह अतिश जाधव, पवन शर्मा, नवनाथ गुरसाळे आणि विकास शिंदे या सहा जणांवर गुन्हा दाखल करण्यात आला आहे.

१५ मिनिटांत ७२ वार करून निर्घृण हत्या

९ डिसेंबर २०२४ रोजी सकाळी साडेसातच्या सुमारास सतीश वाघ यांचे अपहरण करण्यात आले. केवळ १५ मिनिटांतच आरोपींनी त्यांच्यावर तब्बल ७२ वार करून क्रूर हत्या केली. त्यानंतर त्यांच्या मृतदेहाची विल्हेवाट लावण्यासाठी तो शिंदवणे घाटात टाकण्यात आला.

हत्येचा तपास कसा उलगडला?

या घटनेनंतर सतीश वाघ यांच्या मुलाने हडपसर पोलिस ठाण्यात फिर्याद दाखल केली. घटनेचे गांभीर्य ओळखून हडपसर पोलिसांनी तपास गुन्हे शाखेकडे वर्ग केला. चौकशी दरम्यान, गुन्ह्यातील मुख्य आरोपी आणि त्यांच्या कटकारस्थानांची सखोल माहिती समोर आली.

जादूटोण्याच्या प्रयोगामुळे हत्या?

आरोपपत्रात नमूद करण्यात आले आहे की, मोहिनी वाघने सतीश वाघ यांना संपवण्यासाठी जादूटोण्याचा प्रयोग केला होता. या प्रकरणाने महाराष्ट्रात पुन्हा एकदा जादूटोणा प्रतिबंधक कायद्याच्या प्रभावी अंमलबजावणीची गरज अधोरेखित केली आहे.

अतिरिक्त तपास सुरूच

आता या प्रकरणाच्या पुढील सुनावणीसाठी न्यायालयात कार्यवाही सुरू असून, पोलिस अधिक तपशीलवार तपास करत आहेत. या हत्याकांडाने पुण्यात खळबळ उडवली असून, पुढील काही दिवसांत न्यायालयाच्या निर्णयाकडे सर्वांचे लक्ष लागले आहे.

महाराष्ट्र विधान परिषदेच्या पाच जागांसाठी निवडणुकीची घोषणा झाली असून प्रवीण दटके यांच्या जागेवर मुख्यमंत्री देवेंद्र फडणवीस त्यांचे निकटवर्ती आणि मानद सचिव संदीप जोशी यांना संधी मिळेल अशी चर्चा होती. परंतु, भाजप श्रेष्ठींकडून माधव भंडारी, दादाराव केचे, अमरनाथ राजूरकर या तिघांची नावे निश्चित करण्यात आल्याची माहिती आहे. विदर्भातून केचेंना संधी देण्यात आल्याने तूर्तास जोशी यांची आमदार होण्याची शक्यता धुसर आहे.

विधानसभेच्या निवडणुका होऊन सहा महिने होत नाहीत तोच राज्यामध्ये आणखी एका निवडणुकीचे बिगुल वाजले आहे. महाराष्ट्र विधान परिषदेमधील रिक्त पाच जागांसाठी २७ मार्चला मतदान होणार असून, त्याच दिवशी संध्याकाळी निकाल जाहीर होणार आहेत. विधान परिषद सदस्य प्रवीण दटके मध्य नागपूर विधानसभा मतदारसंघातून निवडून आल्याने त्यांची विधान परिषदेतील जागा रिक्त झाली आहे. सध्या विधानसभेत भाजपचे सर्वाधिक आमदार आहेत. त्यामुळे महायुतीचेच उमेदवार सहज विजयी होतील.

दटके यांच्या जागेवर भाजपमधून माजी महापौर संदीप जोशींसह दक्षिण नागपूरचे माजी आमदार आणि भाजपचे जिल्हाध्यक्ष सुधाकर कोहळे, माजी महापौर दयाशंकर तिवारी, नागपूर महापालिकेचे माजी स्थायी समितीचे अध्यक्ष अविनाश ठाकरे आणि माजी जिल्हा अध्यक्ष डॉ. राजीव पोतदार यांचीही नावे चर्चेत होती. परंतु, संदीप जोशी हे मुख्यमंत्री देवेंद्र फडणवीस यांचे निकटवर्ती आहेत. त्यांनी यापूर्वी पदवीधर मतदारसंघाची निवडणूकही लढवली होती पण त्यात त्यांचा पराभव झाला होता. सध्या मुख्यमंत्र्यांचे मानद सचिव म्हणून फडणवीस यांनी नागपूरची जबाबदारी दिली आहे. त्यामुळे प्रवीण दटकेंच्या जागेवर जोशींनाच संधी मिळेल, अशी शक्यता होती. खुद्द संदीप जोशींनीही माध्यमांशी बोलताना आपण विधान परिषदेसाठी इच्छुक असल्याचे जाहीर केले आहे. परंतु, भाजप श्रेष्ठींनी निश्चित केलेल्या तीन नावांमध्ये विदर्भातून दादाराव केचे यांचे नाव आहे. विधानसभा निवडणुकीदरम्यान आर्वीतून त्यांना पक्षाने उमेदवारी नाकारल्याने ते नाराज होते. बंडखोरीचा इशाराही त्यांनी दिला होता. त्यामुळे त्यांना भाजप श्रेष्ठींकडून विधान परिषदेवर घेण्याचे आश्वासन दिले होते. पक्षाने त्यांना दटकेंच्या जागेवर संधी देऊन शब्द पाळल्याचे दिसते.

दरम्यान, महसूल मंत्री चंद्रशेखर बावनकुळे हे विधानसभा निवडणुकीत कामठीतून विजयी झाल्याने त्यांची विधान परिषदेतील जागा रिक्त आहे. त्यामुळे नागपूर जिल्हा स्थानिक स्वराज्य संस्था मतदारसंघात पोटनिवडणुका जाहीर झाल्यावर या जागेसाठी संदीप जोशींच्या नावाचा विचार होऊ शकतो. त्यामुळे सध्यातरी त्यांच्या वाट्याला प्रतीक्षा आली आहे.

विदर्भातील शिवसेना, राष्ट्रवादीचे नेतेही इच्छुक

विधानसभेत भाजप, शिवसेना एकनाथ शिंदे आणि राष्ट्रवादी काँग्रेस अजित पवार गटाकडे एकहाती सत्ता आहे. त्यामुळे विधान परिषदेच्या पाचही जागा जिंकण्याचा दावा महायुतीने केला आहे. यातील तीन जागा भाजपला तर प्रत्येकी एक जागा शिंदे आणि पवार गटाला दिली जाणार आहे. विधानसभेत निवडणूक लढवण्याची इच्छा असूनही पक्षादेशामुळे थांबलेल्या विदर्भातील शिंदे आणि पवार गटातील नेत्यांचे लक्ष विधान परिषदेकडे लागले आहे. उपमुख्यमंत्री एकनाथ शिंदे यांचे खंदे समर्थक असलेले पूर्व विदर्भ संपर्क प्रमुख किरण पांडव यांचे नाव आघाडीवर आहेत. तर, अजित पवार गटातील अनेक नेते इच्छुक आहेत.

उपमुख्यमंत्री अजित पवारांच्या नेतृत्वाखालील राष्ट्रवादी काँग्रेसमध्ये लवकरच मोठ्या नेत्यांचं इन्कमिंग होणार असल्याचे सूतोवाच राष्ट्रवादीचे आमदार अमोल मिटकरी यांनी केलंय .महाविकास आघाडीतील अनेक पक्षातील आमदार आणि खासदार अजित पवारांच्या संपर्कात असल्याचं ते म्हणालेत .ते अकोला येथे ‘एबीपी माझा ‘शी बोलत होते. आगामी महापालिका निवडणुकांच्या पार्श्वभूमीवर सध्या राजकीय वर्तुळात घटनांना वेग आला आहे .पालिका निवडणुकांच्या पार्श्वभूमीवर अनेकांनी स्वबळावर निवडणूक लढण्याचे ठरवल्यानंतर आता शरद पवारांच्या गोटातून काही बडे नेते अजित दादांना भेटून गेले असल्याचं अमोल मिटकरी यांनी सांगितल्याने चर्चांना उधाण आले आहे.

दरम्यान मस्साजोगचे सरपंच संतोष देशमुख हत्याकांडात सरकारने विशेष सरकारी वकील म्हणून उज्वल निकम यांना नियुक्त केल्यानंतर या निर्णयाचे स्वागतही अमोल मिटकरी यांनी केलं .देशमुख कुटुंबीयांना न्याय मिळणार असल्याचा विश्वास त्यांनी व्यक्त केला आहे .दरम्यान कालच्या मंत्रिमंडळ बैठकीत OSD – PA यांच्या वरून झालेल्या निर्णयावरही महत्त्वाचे गौप्यस्फोट मिटकरींनी केले आहेत .

काय म्हणाले अमोल मिटकरी ?

अजित पवारांच्या काँग्रेसमध्ये लवकरच मोठ्या नेत्यांचे इन्कमिंग होणार असल्याचे राष्ट्रवादीचे आमदार अमोल मिटकरी यांनी ‘एबीपी माझा’ ला सांगितलं .ते म्हणाले ,महाविकास आघाडीतील अनेक पक्षातील आमदार आणि खासदार अजित पवारांच्या संपर्कात आहेत .महाराष्ट्राला लवकरच ही नावे कळणार असल्याचंही मिटकरी म्हणालेत .पवारांच्या राष्ट्रवादीतील अनेक आमदार खासदार अजितदादांना भेटून गेल्याचं ते म्हणाले .यात विजय भांबळे राहुल मोटे आणि राहुल जगताप यांच्या संदर्भात लवकरच हालचाल होणार असल्याचेही त्यांनी सुतोवाच केलं .यासंदर्भात महायुतीतील इतर मित्र पक्षांची ही मतं लक्षात घेतले जाणार असल्यासही ते म्हणालेत .

दलाली करणाऱ्या फिक्सरची OSD पी एस म्हणून नियुक्ती होऊन देणार नाही असा पवित्र मुख्यमंत्री देवेंद्र फडणवीस यांनी घेतल्यानंतर या मुद्द्याला हात घालत ठाकरेंच्या शिवसेनेनं शिंदेंच्या शिवसेनेला घेरलेलं असतानाच अजित पवारांच्या राष्ट्रवादीतील आमदार अमोल मिटकरी यांनीही मोठा गौप्यस्फोट केला आहे .रोजगार मंत्री असताना संदिपान भुमरे यांच्या तत्कालीन ओएसडीनं पाच कोटींच्या कामासाठी पाच लाखांची मागणी केल्याचा गौप्यस्फोट अमोल मिटकरी यांनी काल बोलताना केला होता .संदिपान भुमरे यांच्यानंतर मिटकरींनी आणखी काही महत्त्वाच्या शिंदे गटातील आमदारांची नावे घेतली असल्याने मोठी खळबळ उडाली आहे.

स्वारगेट बसस्थानकात शिवशाही बसमध्ये तरुणीवर लैंगिक अत्याचार केल्याच्या दिवशी दत्तात्रय गाडे याच्याकडे जो मोबाइल होता, त्याचा शोध घेण्यात येत आहे. हा मोबाइल अद्यापही सापडलेला नाही. घटनेच्या अनुषंगाने त्यात महत्त्वाची माहिती असण्याची शक्यता आहे, अशी माहिती पोलिसांनी न्यायालयास दिली. दरम्यान, आरोपी गाडे याला न्यायालयाने १४ दिवसांची न्यायालयीन कोठडी सुनावली आहे.

या प्रकरणात गाडे याला अटक करून १२ दिवसांची पोलिस कोठडी सुनावली होती. बुधवारी (दि. १२) पोलिस कोठडीची मुदत संपल्याने त्याला शिवाजीनगर न्यायालयात हजर केले होते. पोलिस कोठडीदरम्यान गाडे याला या गुन्ह्यातील घटनास्थळांवर नेण्यात आले होते. तो ज्या शेतात लपून बसला होता, त्या शेताची पाहणी करून पुरावा गोळा करण्यात आला. या दरम्यान तो ज्यांना-ज्यांना भेटला, त्यांचे जबाब नोंदविण्यात आले आहेत. गाडे याला न्यायालयात आणल्यानंतर न्यायालयाच्या आवारात कोणताही अनुचित प्रकार घडू नये, या दृष्टीने बुधवारी परिसरात चोख बंदोबस्तात तैनात करण्यात आला होता.

गुन्हे शाखेच्या पोलिसांनी गाडे याची न्यायालयीन कोठडी मागण्यासंदर्भातील अहवाल न्यायालयात सादर केला. यावेळी बचाव पक्षाच्या वकिलांनी त्याला कपडे पुरविण्याची मागणी केली. आरोपीचे वकील सुमीत पोटे यांनी न्यायालयाकडे न्यायालयातच आरोपीशी बोलण्याची संधी मिळण्याची मागणी केली. गाडे याच्या वतीने ॲड. वाजेद खान-बिडकर यांनीदेखील बाजू मांडली, तर मूळ फिर्यादी यांच्यावतीने ॲड. असीम सरोदे यांनी बाजू मांडली.

आतापर्यंत तपासात काय झाले?

– घटनास्थळांचा पंचनामा

– तरुणीचा न्यायालयात जबाब नोंदविण्यात आला

– प्रत्यक्षदर्शी इतर साक्षीदारांकडे चौकशी

– आरोपी व तरुणीचे कपडे जप्त

– सायंटिफिक विश्लेषणासाठी कपडे पाठवले

– आरोपी व फिर्यादीचे डीएनए सॅम्पल घेतले

– गाडे याच्यावर एकूण सात गुन्हे दाखल

वाहतूक पोलिसांनी कर्णकर्कश आवाज काढणार्‍या सायलेन्सरचा वापर करणार्‍या बुलेटचालकांविरुद्ध कारवाईचा बडगा उगारला आहे. वाहतूक पोलिसांनी शहराच्या वेगवेगळ्या भागात बुलेट चालकांविरुद्ध कारवाई करुन फटाक्यांसारखे आवाज काढणारे सायलेन्सर जप्त केले. येरवड्यातील वाहतूक शाखेच्या कार्यालयात जप्त केलेल्या १ हजार ७६८ सायलेन्सरवर बुलडोझर चालविण्यात आला. येरवडा येथील वाहतूक विभागाच्या मैदानात ही कारवाई करण्यात आली.

रात्री अपरात्री शहर, तसेच उपनगरात भरधाव वेगाने बुलेटचालक तरूण जातात. बूलेटच्या सायलेन्सरमध्ये फेरफार (मॉडिफाय) करण्यात आल्याने त्यातून फटाक्यासारखा आवाज निघतो. या आवाजामुळे ज्येष्ठ नागरिकांना त्रास होत असल्याच्या तक्रारी करण्यात आल्या होत्या. गेल्या पंधरा ते वीस दिवसांपासून पोलिसांनी शहरातील वेगवेगळ्या भागात बुलेटचालकांविरुद्ध कारवाई करुन त्यांचे सायलेन्सर जप्त केले. कर्कश सायलेन्सर नष्ट करण्याचे आदेश पोलिस आयुक्त अमितेश कुमार, अतिरिक्त पोलीस आयुक्त मनोज पाटील यांनी दिले होते. त्यानंतर पोलिसांनी जप्त केलेल्या १ हजार 768 सायलेन्सरवर ‘बुलडोझर’ चालवून ते नष्ट केले. यावेळी अतिरिक्त पोलीस आयुक्त मनोज पाटील, वाहतूक शाखेचे पोलीस उपायुक्त अमोल झेंडे, पोलीस निरीक्षक सुनील गवळी आणि वाहतूक शाखेतील अधिकारी उपस्थित होते.

कर्णकर्कश सायलेन्सरचा वापर करणार्‍या दुचाकीस्वार, बुलेटचालकांविरुद्ध यापुढील काळात तीव्र कारवाई करण्यात येणार असल्याचा इशारा पोलीस उपायुक्त अमोल झेडे यांनी दिला आहे. तसेच सायलेन्सर विक्री करणारे व्यावसायिक, तसेच सायलेन्सर बसवून देणारे गॅरेजचालकांविरुद्धही कारवाई करण्यात येणार असल्याचे त्यांनी स्पष्ट केले.

बीड : सध्या बीडमधील मारहाणीचे अनेक व्हिडीओ हे सोशल मीडियावर व्हायरल होताना दिसत आहेत. ज्यामुळे खळबळ निर्माण झालीये. संतोष देशमुख यांच्या हत्येदरम्यानचे काही फोटो व्हायरल झाली. ज्यानंतर बीडमधील अनेक मारहाणीचे व्हिडीओ पुढे येत आहेत. टोळक्यांकडून एकाच मुलाला मारहाण केली जातंय. संतोष देशमुख यांचे भाऊ धनंजय देशमुख यांचे साडू याचा सुरूवातीला एक धक्कादायक व्हिडीओ पुढे आला. या व्हिडीओमध्ये दादा खिंडकर एका मुलाला क्रूरपणे मारहाण करताना दिसला.

दादा खिंडकरचे दोन धक्कादायक व्हिडीओ व्हायरल

दादा खिंडकरसोबतच अजून काहीजण त्या मुलाला पट्टाने, पाईपने आणि काठ्यांनी शेतात मारहाण करताना दिसले. तो मुलगा जोरजोरात ओरडताना देखील व्हिडीओमध्ये दिसत स्पष्ट दिसत होता. दादा खिंडकर याच्याकडून आणि त्याच्या टोळीकडून तरीही मारहाण सुरूच ठेवण्यात आली. संतोष देशमुखांच्या न्यायासाठी काही दिवसांपासून दादा खिंडकर लढताना दिसत होता. मात्र, दुसरीकडे तेच क्रूरपणे मारहाण करताना दिसतोय.

दादा खिंडकरने स्पष्ट केले की, व्हायरल होणारा व्हिडीओ जुना आहे. या व्हायरल होणाऱ्या व्हिडीओनंतर बीड पोलिस अॅक्शन मोडवर आले. दादा खिंडकर विरोधात गुन्हाही दाखल करण्यात आला. आता दादा खिंडकर पोलिसांना शरण आलाय. फक्त एकच नाही तर दादा खिंडकरचे दोन व्हिडीओ व्हायरल झाली. दुसऱ्या व्हिडीओमध्ये एका घरावर हल्ला करताना दादा खिंडकर दिसला. आता एसपी ऑफिसमध्ये दादा खिंडकरने आत्मसमर्पण केले.

गुन्हा दाखल झाल्यानंतर दादा खिंडकरचे आत्मसमर्पण

मारहाण आणि घरावर हल्ला केल्याप्रकरणी बीड पोलिस ठाण्यात दादा खिंडकरवर गुन्हा दाखल करण्यात आला. दादा खिंडकरवर गुन्हा दाखल झाल्यानंतर याबद्दल धनंजय देशमुख यांनी अजून काही प्रतिक्रिया दिली नाही. गुन्हा दाखल झाल्यानंतर दादा खिंडकर याने प्रतिक्रिया दिली होती आणि जुना व्हिडीओ अजून तो मुद्दाम व्हायरल करण्यात आला. ते प्रकरण आम्ही त्यावेळीच मिटवले होते, असे दादा खिंडकरने म्हटले होते.

पुणे महापालिकेमध्ये प्रशासक राज आल्याचा सर्वात जास्त फायदा कोणाला झाला असेल तर तो फक्त आणि फक्त बांधकाम व्यावसायिकांनाच! कारण ही तसेच आहे. आज पुणे महापालिकेच्या कोणत्याही विभागात गेल्यानंतर पुणे महापालिकेचे अधिकारी आणि अनधिकृत बांधकाम व्यावसायिकांचीच चलती अन् गर्दी झाल्याचे पाण्यास मिळत आहे. तेरा मेरा साथ और बन गई बात! बांधकाम व्यवसायिक आणि पुणे महापालिकेचे अधिकारी यांचं सध्या प्रशासक काळात चांगलेच सूत जुळले आहे. पुणे महापालिकेचे प्रशासकराज फक्त आणि फक्त याच व्यावसायिकांचा विचार करत असून पुणे महापालिकेच्या नियमांना केराची टोपली दाखवली तरी सुद्धा त्यांच्यावरती कारवाई करण्याचे धाडस या अधिकाऱ्यांच्या मनगटात राहिलेच नाही की काय अशी शंका निर्माण झाली आहे.

कोथरूड भागातील असंख्य व्यावसायिकांनी पुणे महापालिकेचे नियम पायदळी तुडवण्याचा कळसच गाठण्याचा चंग बांधला आहे. आपला व्यवसायिक प्रकल्प पूर्ण करण्यासाठी पुणे महापालिकेच्या अधिकारी हाताशी धरल्यानंतर कोणतेही काम कशाही पद्धतीने केले तरी चालते याची पुरेपूर खात्रीच व्यावसायिकांना झाली आहे. कोथरूडच्या डुक्कर खिंडीलगत सुरू असलेल्या ११ मजली बांधकामाच्या विरोधात असंख्य तक्रारी नंतर पुणे महापालिकेच्या वतीने न्यायालयात आव्हान दिल्यानंतर कागदी घोडा नाचवत ‘वर्कस्टॉप’ नोटीस देण्यात आली. संबंधित बांधकामाला काम थांबवण्याचा आदेश असतानाही सुसाट वेगाने व्यावसायिकाने काम सुरूच ठेवले असून पुणे महापालिकेच्या मनाई हुकुमाला केराची टोपली दाखवली आहे. त्यातच कळस म्हणजे एका बाजूला न्यायालयात चूक मान्य करायची आणि दुसऱ्या बाजूला संपूर्ण कोथरूड परिसरात ताबा देण्याचे फलक लावात मनाई हुकमाला वाटण्याच्या अक्षता लावत धुडकावण्याचे काम केले आहे.

पुणे महापालिकेचे नोंदणीकृत “आर्किटेक्ट” श्री. प्रकाश कुलकर्णी यांनी ‘दोडके प्लांझो’ व्यावसायिक आणि निवासी इमारत क्र. 71/10B1 (P) कोथरूड अधिकाऱ्यांशी अशा बेकायदेशीर मंजूरी आणि FSI मध्ये फसवणूक करून हेतुपुरस्सर मंजूर इमले बांधण्यात आले. राजकीय वरदहस्त आणि भ्रष्ट अधिकाऱ्यांशी हात मिळवणी उच्च न्यायालयात उघड होताच चूक मान्य करणे, कागदपत्रे सादर करणे करण्यास उशीर करणे अशा क्लुप्त्या लढूनही संबंधित बांधकाम सुसाट सुरू करत ठेवण्याचे काम सुरूच आहे. न्यायालयात प्रशासक राज अधिकारीही आपली कातडी वाचवण्यासाठी कागदी घोडे नाचवत आहेत. संबंधित बांधकामाला मनाई करण्यात आल्यानंतर गेले 90 दिवस दररोज या भागामध्ये काम सुरू असल्याच्या तक्रारी केल्यानंतर सुद्धा ही अधिकारी लोकांना खुर्ची सुटत नाही आणि प्रत्यक्ष पाहणी करण्याचे धाडस राहिले नाही. फक्त कागदी घोडे नाचवण्यासाठी संबंधित पोलीस ठाण्यात यावर कारवाई करण्यासाठी पत्र देणे एवढे मोठे जगात एक नंबर! काम संबंधित अधिकाऱ्यांकडून केले जात आहे.

कोथरूड सर्व्हे क्र. 71/10B1 (P), पुणे प्रारंभ क्रमांक CC/0235/21 दिनांक 06/05/21, CC/1838/22 दिनांक 18/10/22 अंतर्गत मंजूरीमुळे कोथरूड भागातील मुख्य विकास आराखड्यातील रस्ता आणि बाह्य वळण मार्गावरील सेवा रस्ताही धोक्यात आला आहे. पुणे महापालिकेच्या वरदहस्ताने झालेल्या संबंधित अनाधिकृत बांधकामामुळे वर्षानुवर्ष या अतिक्रमणाचा त्रास सहन करावा लागणार आहे. एकीकडे पुणे शहरातील वाहतूक कोंडीची समस्या गंभीर झाल्याची चर्चा सभागृहात गाजत असताना पुणे महापालिकेतील अधिकारी मात्र मंजूर रस्त्यांवर अतिक्रमण करून सादर करण्यात आलेले प्रस्ताव मान्य करत आहेत. पुणे महापालिकेचा विकास आराखड्यातील रस्त्यांवरच जर बहुमजली इमारती झाल्या तर संबंधित अधिकारी सेवानिवृत्त होतील परंतु आगामी काळात सर्वसामान्य नागरिकांच्या पदरी मात्र त्रास सहन करण्याशिवाय कोणताही पर्याय राहणार नाही. विशेष म्हणजे या बांधकाम प्रकल्पामुळे बीडीपी लाईन्स आणि दोन्ही सेवा रस्त्यांची रुंदी अन् जागेवर महामार्गाची रुंदी प्रभावित झाली आहे.

अधिकाऱ्यांनी सीसी क्रमांक 1838/22 दिनांक 18/10/2022 अंतर्गत भूखंड क्षेत्र आणि FSI मध्ये बदल न करता “विकासक” आणि “आर्किटेक्ट” सह संगनमताने सुधारित योजना मंजूर केली आणि परिमाणांमधील फरकांब‌द्दल अंतर्गत अहवालात त्यांच्या स्वतः च्या नोटिंगच्या उपस्थितीत बिंदू 9 मध्ये वर नमूद केल्याप्रमाणे. ही हेतुपुरस्सर फसवणूक आणि चुकीच्या FSI GAIN साठी चुकीचे वर्णन आहे जे युनिफाइड नियम, MRTP ACT अंतर्गत उल्लंघन केले आहे. “आर्किटेक्ट” आणि “डेव्हलपर” द्वारे “अधिकारी” द्वारे संगनमताने चुकीचे सादरीकरण आणि फसवणूक ब‌द्दल लक्षात घेणे अत्यंत महत्वाचे आहेः सीसी क्रमांक ०२३५/२१ अंतर्गत दिनांक ०६/०५/२०२१ च्या मंजुरी योजनेनुसार, “आर्किटेक्ट” आणि “डेव्हलपर” द्वारे प्रस्तुत भूखंड क्षेत्र गणना 2900.00 चौ.मी. जेव्हा प्लॉटच्या चार बाजूंचे परिमाण 37.38 M, 93.17 M, 24.01 M आणि 113.18 M असतात. इमारतीची लांबी 85.85 M आणि 17.48 M 6.00 M मार्जिनसह आहे. पुणे महानगरपालिकेच्या अधिकाऱ्यांच्या अंतर्गत अहवालानुसार भूखंडांचे परिमाण कमी झाले आहेत आणि त्यामुळे भूखंडाच्या घटलेल्या परिमाणांच्या प्रमाणात भूखंड क्षेत्र मोजणी कमी करावी. सीसी क्रमांक ०२३५/२१ अंतर्गत 37.38 मी. 93.17 मी. 24.01 मी आणि 113.18 मी दिनांक ०६/०५/२०२१ हे प्लॉटच्या चार बाजूंचे परिमाण 37.00 मी., 90.00 मी., 24.00 मी. आणि 110.00 मी. मध्ये बदलले आहेत. सीसी क्र. अंतर्गत दिनांक १८/१०/२०२२ रोजी मंजूर. १८३८/२२. हे लक्षात घेण्यासारखे आहे की परिमाण कमी झाले आहेत परंतु कमी केलेल्या परिमाणांमधील प्लॉट क्षेत्राची गणना हेतुपुरस्सर बदललेली नाही आणि एफएसआयच्या चुकीच्या वाढीसाठी सीसी क्रमांक 0235/21 प्रमाणेच राहिली आहे.

अर्जदार आणि वास्तुविशारद प्रकाश कुलकर्णी यांनी वरील आणि बेकायदेशीरपणा आणि चुकीचे सादरीकरण केल्याच्या संदर्भात कोणतेही कारवाई करण्यात न आल्याने तक्रारदाराने थेट उच्च न्यायालयात आवाहन दिले परंतु त्यानंतर ही पुणे महापालिकेच्या अधिकाऱ्यांनी या व्यावसायिकाशी सलगी मात्र कायमच ठेवली आहे. आजही तीन वर्षांपूर्वीच्याच कारणांसाठी खुलासा मागवत काम थांबवण्याचे आदेशही देण्यात आले. पुणे महापालिकेच्या आदेशाला संबंधित व्यावसायिकाने केराची टोपली दाखवली याची जाणीव झालेली असतानाही संबंधित व्यावसायिकाला मदत करण्याची भूमिका मात्र बदलण्यात आली नाही. याबाबत पाठपुरावा करणाऱ्या तक्रारदाराला कोणताही कागद आजही प्रशासनाकडून दिला जात नाही. सध्या बांधकामावर सुसाट कामे सुरू असून संबंधित व्यवसायिकाकडून ताबा देण्याची लगीन घाई जोरात सुरू आहे. विकास आराखड्यातील मुख्यरस्ता बाधित होत असतानाही चिडीचूप झालेल्या अधिकाऱ्यांना थेट निलंबन करण्याची गरज निर्माण झाली आहे. पुणे महापालिकेच्या आदेशाला केराची टोपली दाखवली तरीसुद्धा पुणे महापालिकेच्या अधिकाऱ्यांचा ‘स्वाभिमान’ मात्र दुखावला जात नाही हे आश्चर्यकारक आहे. आजही या अधिकाऱ्यांकडून ‘न्यायप्रविष्ट’ या शब्दाचा शस्त्र म्हणून वापर करत कागदी घोडे नाचवण्याचाच प्रकार सुरू आहे.

आधुनिक महाराष्ट्राचे शिल्पकार असणारे यशवंतराव चव्हाण यांच्या स्मृतिस्थळी नतमस्तक होण्यासाठी उपमुख्यमंत्री तथा राष्ट्रवादी काँग्रेसचे अध्यक्ष अजित पवार कराड दौऱ्यावर आले आहेत. या दौऱ्यात दिवंगत यशवंतराव चव्हाण यांच्या समाधीस्थळी त्यांनी अभिवादन केले. त्यानंतर राष्ट्रीय काँग्रेसचे सरचिटणीस उदयसिंह पाटील उंडाळकर यांच्या कोयना बँकेत पोहचले आहेत. त्यामुळे अजित पवार यांच्या या दौऱ्यात ते काँग्रेसला धक्का देण्याच्या तयारीत आहे. गेल्या काही दिवसांपासून उदयसिंह पाटील उंडाळकर अजित पवार यांच्या राष्ट्रवादीत प्रवेश करणार असल्याची चर्चा आहे.

राज्याचे माजी सहकार मंत्री स्व. विलासराव पाटील-उंडाळकर यांचे चिरंजीव उदयसिंह पाटील-उंडाळकर सध्या काँग्रेसमध्ये आहे. त्यांच्यावर काँग्रेसने सरचिटणीसपदाची जबाबदारी दिली आहे. परंतु आता ते काँग्रेसला सोडचिठ्ठी देण्याच्या तयारीत आहेत. काही दिवसांपूर्वी त्यांनी सह्याद्रीवर गेस्ट हाऊसवर अजित पवार यांची भेट घेतली होती. त्यामुळे ते काँग्रेसमधून राष्ट्रवादी काँग्रेसमध्ये प्रवेश करण्याची चर्चा सुरु झाली होती. आता या चर्चांना अजित पवार यांच्या बुधवारच्या दौऱ्यात दुजोरा मिळू शकतो.

‘चाय पे चर्चे’त ठरणार तारीख

अजित पवार बुधवारी सकाळी राष्ट्रीय काँग्रेसचे सरचिटणीस उदयसिंह पाटील उंडाळकर यांच्या कोयना बँकेत चहापान व नाश्त्यासाठी पोहोचले आहे. या ठिकाणी उदयसिंह पाटील यांच्या राष्ट्रवादी प्रवेशाची तारीख ठरण्याची शक्यता आहे. म्हणजेच ‘चाय पे चर्चे’त उदयसिंह पाटील यांचा पक्ष प्रवेशाचा मुहूर्त ठरणार आहे.

लाडक्या बहिणींसाठी अजित पवार यांची आणखी एक घोषणा, आता देणार…

स्व. विलासराव पाटील यांनी कधीकाळी सातारा जिल्ह्याचे नेतृत्व केले होते. परंतु उदयसिंह पाटील यांना वडीलांची कामगिरी करता आली नाही. सातारा जिल्हा बँकेच्या निवडणुकीत त्यांचा पराभव झाला. तसेच राज्यात महाविकास आघाडी पराभूत झाली आहे. यामुळे त्यांचे कार्यकर्ते पक्षात अस्वस्थ आहेत. त्याऐवजी आता राष्ट्रवादीत प्रवेश करुन सत्तेसोबत राहावे, असे उदयसिंह पाटील यांनी ठरवल्याचे म्हटले जात आहे. अजित पवार यांची त्यांचा पक्ष यशवंतराव चव्हाण यांच्या विचारावर चालणार असल्याचे वारंवार सांगितले आहे. त्यामुळे उदसिंह पाटील राष्ट्रवादीत प्रवेश करत असल्याचे म्हटले जात आहे.