आंतरवली सराटीतील ओबीसीचे उपोषण मोडल्यामुळे पुण्यामध्ये ओबीसीच्या विविध मागण्यासाठी ओबीसी बांधवांनी उपोषण सुरू केले आहे. आता हे शांततेचे साखळी उपोषण पण मोडण्याच्या तयारीत राज्य सरकार दिसत आहे, आचारसंहितेचे कारण घेऊन परवानगी नाकारली आहे. आयोजक मृणाल ढोले पाटील सकल ओबीसी समाज (३४५ जाती) अध्यक्ष यांना पुणे पोलिसांनी परवानगी नाकारल्याची प्रत दिली आहे. भारत निवडणुक आयोगाने दिनांक २२/०९/२०२६ रोजी प्रसिध्द केलेल्या प्रसिध्दी पत्रकान्वये महाराष्ट्र विधान परिषद पदवीधर व शिक्षक मतदार संघाचह द्विवार्षिक निवडणुक २०२६ चा कार्यक्रम घोषीत केला असून, कार्यक्रम घोषीत केलेल्या दिनांकापासुन आचार संहिता लागू झालेली आहे. त्याअनुषंगाने जा.क्र. कायदासुव्यवस्था कक्ष/कावि/६६६/२०२६ दि.३०/०९/२०२६ अन्वये धरणणे आंदोलने, मोर्चा, निदर्शने, उपोषण करणा-यावर निर्बंध घातले असलेबाबतचे जिल्हाधिकारी यांचे आदेश झाले आहेत.
पुण्यामध्ये मुख्य रस्त्यावर सर्व सामान्य नागरिकांची गैरसोय होत असतानाही रोहित पवार यांचे गेल्या अनेक दिवसापासून आंदोलन सुरू आहे त्याठिकाणी आचारसंहिता भंग चा पोलीस विचार करत नाहीत. सत्ताधारी पक्षाच्या वतीने काल पुणे शहरामध्ये काल सामूहिक रॅली काढली त्यामध्ये पुण्याचे दोन्ही मंत्री सहभागी झाले होते. या कार्यक्रमाला ही पुणे पोलिसांनी कोणताही आक्षेप घेतला नाही त्यामुळे सदरील कार्यक्रम मोठ्या थाटामाटात पार पाडला. पुणे जिल्हाधिकारी यांच्या परवानगीने होणाऱ्या एका बाजूच्या जागेवरती सध्या ओबीसींचे आंदोलन सुरू असून यामुळे कोणताही सार्वजनिक वाहतुकीचा अडथळा नाही किंवा आक्रमक भाषणे नसतानाही आचारसंहिता कायदा सुव्यवस्थेच्या नावाखाली सदरील आंदोलन मोडले जात आहे. याचा सकल ओबीसी समाज (३४५ जाती) यांच्या वतीने जाहीर निषेध करण्यात येत आहे.
पूणे शहरात कायदा व सुव्यवस्था राखणेकामी मा. पोलीस सह आयुक्त (कायदा व सुव्यवस्था) यांचे आदेशानुसार महाराष्ट्र पोलीस अधिनियम १९५१ चे कलम ३७ (१), (३), व (४) अन्वये सध्या पुणे शहर आयुक्तालय कार्यक्षेत्रात प्रतिबंधात्मक आदेश जारी झालेले आहेत. आपण आपल्या मागणीसाठी कायादेशीर मार्गाने पाठपुरावा करावा. म्हणून आपले धरणे आंदोलनाची परवानगी नाकारण्यात येत आहे. आपल्या कृत्यामुळे सार्वजनीक शांतता कृत्यामुळे भंग होवून कायदा व सुव्यस्थेचा प्रश्न निर्माण झाल्यास आपले विरूध्द उचित व योग्य कायदेशिर कारवाई करण्यात येईल असा इशाराही पुणे पोलिसांच्या वतीने देण्यात आला आहे.
