पुण्यातील एमपीएससी विद्यार्थ्यांचे आंदोलन छेडणारे आणि गेले अनेक दिवस चर्चेत असलेल्या शरद पवार गटाचे आमदार रोहित पवार यांचे ट्विटर ( आता एक्स ) खाते सस्पेंड करण्यात आले आहे. त्यामुळे आता विचार स्वातंत्र्य आणि अभिव्यक्ती स्वातंत्र्याची गळचेपी करण्याचे सरकारचे धोरण पुन्हा एकदा समोर आले आहे. या प्रकरणात आता आमदार रोहित पवार यांनी आपली भूमिका फेसबुकवर पोस्ट केली आहे.
आमदार रोहीत पवार यांचे ट्विटर खाते बंद करण्यात आले आहे. त्यांनी यासंदर्भात फेसबुकवर पोस्ट करत माहिती दिली आहे. रोहित पवार यांनी आपली भूमिका मांडली आहे. रोहित पवार यांनी केलेल्या पोस्टमध्ये ते म्हणतात की आज विद्यार्थ्यांचा आवाज वाढत असताना सरकार विद्यार्थ्यांचा प्रश्न सोडवण्याऐवजी शक्य त्याप्रकारे आंदोलन दडपण्याचा प्रयत्न करत आहे. काल पोलिसांनी नोटीस दिल्या तर आज चक्क ट्विटर हैंडल सस्पेंड केले जात आहेत. असल्या दडपशाहीला इथला विद्यार्थी घाबरत नाही हे सरकारने विसरू नये.
रोहीत पवारांची फेसबुक पोस्ट
आज विद्यार्थ्यांचा आवाज वाढत असताना सरकार विद्यार्थ्यांचा प्रश्न सोडवण्याऐवजी शक्य त्याप्रकारे आंदोलन दडपण्याचा प्रयत्न करत आहे. काल पोलिसांनी नोटीस दिल्या तर आज चक्क ट्विटर हैंडल सस्पेंड केले जात आहेत. असल्या दडपशाहीला इथला विद्यार्थी घाबरत नाही हे सरकारने विसरू नये.
