मॉडर्न विकास मंडळ, पुणे या संस्थेच्या वतीने सलग २१ व्या वर्षी “गणेश विसर्जन मिरवणुकीच्यावेळी लक्ष्मी रस्त्यावरील “विजय टॉकीज चौक” येथे गणेश भक्तांसाठी “मोफत तातडीचे वैद्यकीय सेवा केंद्र” दि. २५ सप्टेंबर २०२६ रोजी सकाळी १०.०० वा. ते २६ सप्टेंबर २०२६ रोजी सकाळी ८.०० वा. पर्यंत कार्यरत होते. या उपक्रमासाठी स्मार्ट पुणे फौंडेशन, अष्टांग आयुर्वेद महाविद्यालय, आयव्हीलीफ आयुर्वेदिक हॉस्पिटल, मुळशी या संस्थेचे विशेष सहकार्य लाभले.
या मोफत तातडीचे वैद्यकीय सेवेचा लाभ ७८ रुग्णांनी घेतला. यामध्ये चक्कर येऊन पडणे, डी हायड्रेशन, हाताला पायाला जखमा, गुदमरुन दम लागणे, रक्तदाब कमी होणे, गुलालाच्या ॲलर्जीमुळे ॲक्युट दमाच्या रुग्णांना ऑक्सीजन लेवल कमी होणे, अशा प्रकारच्या रुग्णांना सेवा देण्यात आली. यावेळी सहा रुग्णा पैकी १ ससून हॉस्पिटल व ५ पूना हॉस्पिटल येथे रुग्णवाहिकेतून पाठवण्यात आले. या वैद्यकीय सेवेकरीता डॉ. संदीप बुटाला यांच्या मार्गदर्शनाखाली डॉ. प्रशांत बोहुडे, डॉ. तुषार जगताप, डॉ. हेमलता जळगावकर, डॉ. राकेश देशमुख, डॉ. संजय बुटाला, डॉ. धर्मेंद्र शहा, डॉ. सागर रोकडे यांनी रुग्णाची तपासणी करुन तातडीचे उपचार केले.
पुणे जिल्हा (१०८) चे व्यवस्थापक मा. नानासाहेब ओव्हाळ व डॉ. विजय पाटील ॲम्ब्युलन्स ड्रायव्हर श्री. महेश राठोड यांनी विशेष सहकार्य केले. या वैद्यकीय सेवा केंद्राचे उद्घाटन मा. नामदार चंद्रकांतदादा पाटील व महापौर सौ. मंजुषाताई नागपुरे यांच्या हस्ते झाले. यावेळी प्रदेश प्रवक्ते मा. संदीपजी खर्डेकर, नगरसेविका मंजुश्रीताई खर्डेकर, सौ. ज्योत्स्नाताई कुलकर्णी, नगरसेवक पुनीत जोशी, मा. नगरसेवक दिलीपराव उंबरकर, मा. प्रशांतजी हरसुले, मा. अनिल बेलकर इ. मान्यवर उपस्थित होते.
यावेळी बळीराम भडकवाड, संजय पिंगळे, योगेश मराठे, सुयश बुटाला, शत्रुघ्न ओझरकर, भरत मराठे, विलास मोहोळ, मनिष कदम, रामभाऊ भगत, पांडुरंग शिंदे, रमेश बगाडे, मदन गायधने, रोहित मोहोळ, गौरव जाधव, प्रसाद भडकवाड, मोरेश्वर पंत, सुनिल गुजर, उमेश पटेल, हरीश चिकणे, मंगेश सपकाळ, यांनी विशेष योगदान दिले. या कार्यक्रमाचे सयोजन डॉ. संदीप बुटाला व सौ. मनिषा संदीप बुटाला (नगरसेविका) यांनी केले.
