पुणे गणेशोत्सवाच्या मंगलमय पर्वात भक्तीसोबतच नागरिकांच्या आरोग्याची काळजी घेण्याच्या उद्देशाने शिवोदय मित्र मंडळाच्या वतीने ‘आरोग्य गणेशा उत्सव २०२६’ या उपक्रमाचे आयोजन करण्यात आले आहे. या उपक्रमांतर्गत दि. १५ सप्टेंबर रोजी सायंकाळी ५ ते ८ या वेळेत डोळे तपासणी शिबिराचे आयोजन करण्यात आले. या शिबिराचे उद्घाटन शैलेश आप्पा लडकत यांच्या हस्ते करण्यात आले. त्यावेळी आनंद घरत, केदार मानकर, सागर धाडवे, रविंद्र भांडवलकर, यादव पुजारी, योगेश वाडेकर आदी मंडळाचे पदाधिकारी उपस्थित होते.
शिबिरामध्ये नागरिकांची नेत्र तपासणी करून डोळ्यांच्या आरोग्याबाबत आवश्यक मार्गदर्शन करण्यात आले. या उपक्रमासाठी डॉ. दराक सर व व्हिजन नेक्स्ट टीमचे विशेष सहकार्य लाभले.
गणेशोत्सवाच्या काळात नागरिकांनी आपल्या आरोग्याकडेही लक्ष द्यावे, या उद्देशाने शिवोदय मित्र मंडळाने राबविलेल्या या उपक्रमाचे नागरिकांकडून कौतुक करण्यात आले. सदर उपक्रमाचे नियोजन मंडळाचे प्रमुख मार्गदर्शक दिनेश भिलारे उत्सव प्रमुख आदेश लोकरे, अक्षय साठे , महेश भिलारे, राकेश भिलारे,हर्षद हरपूडे, मंगेश सुतार, मंडळाचे पधादिकारी यांनी केले
