गेल्या पाच दिवसांपासून शहराला झोडपून काढणाऱ्या पावसाने गुरुवारी (ता. ९) अखेर विश्रांती घेतली. पावसाच्या या उघडिपीमुळे शहरात दाखल झालेल्या संतश्रेष्ठ ज्ञानेश्वर महाराज आणि जगद्गुरू संत तुकाराम महाराज यांच्या पालखी सोहळ्यात भाविकांचा उत्साह शिगेला पोहोचला.पुणेकरांनी घराबाहेर पडत आल्हाददायक वातावरणात वारीचा आनंद घेतला.
दरम्यान, पुढील तीन ते चार दिवसांत पावसाचा जोर आणखी कमी होण्याची शक्यता भारतीय हवामानशास्त्र विभागाने (आयएमडी) वर्तविली असली, तरी जिल्ह्याच्या घाटमाथ्यावर पुढील दोन दिवस जोरदार पावसाचा अंदाज असल्याने तेथे ‘ऑरेंज अलर्ट’ कायम ठेवण्यात आला आहे.
पुणे शहर आणि उपनगर परिसरामध्ये गुरुवारी सकाळी अंशतः ढगाळ वातावरण होते. गेल्या काही दिवसांत सखल भागात आणि रस्त्यांवर साचलेले पाणी ओसरल्याने वाहतूक कोंडीतून नागरिकांची मोठी सुटका झाली. पाऊस थांबल्यामुळे शहरातील कमाल आणि किमान तापमानात लक्षणीय वाढ नोंदविण्यात आली आहे. गेल्या तीन दिवसांत कमाल तापमानामध्ये तब्बल पाच अंश सेल्सिअसची वाढ झाली असून, गुरुवारी शहरात कमाल ३० अंश तर किमान २२.७ अंश सेल्सिअस तापमानाची नोंद झाली.पुणे आणि परिसरात शुक्रवारी (ता. १०) कमाल तापमानात किंचित घट होण्याची शक्यता आहे. कमाल तापमान २९ अंश सेल्सिअस तर २३ अंश सेल्सिअस इतके किमान तापमान नोंदविण्यात येणार आहे. आकाश सामान्यतः ढगाळ राहून हलक्या स्वरूपाचा पाऊस पडण्याची शक्यता आहे. तर रविवारपासून (ता. १२) कमाल आणि किमान तापमानात आणखी वाढ होईल. कमाल तापमान ३१ अंश सेल्सिअस तर किमान तापमान २५ अंश सेल्सिअस इतके नोंदविण्यात येण्याची शक्यता आहे.
धरणांतील पाणीसाठ्याची स्थिती (गुरूवारी सायं. ५ पर्यंत)
धरण क्षमता (टीएमसी) आजचा साठा (टीएमसी) टक्केवारी पाऊस मिमी. एकूण पाऊस मिमी.
पुणे आणि परिसरात शुक्रवारी (ता. १०) कमाल तापमानात किंचित घट होण्याची शक्यता आहे. कमाल तापमान २९ अंश सेल्सिअस तर २३ अंश सेल्सिअस इतके किमान तापमान नोंदविण्यात येणार आहे. आकाश सामान्यतः ढगाळ राहून हलक्या स्वरूपाचा पाऊस पडण्याची शक्यता आहे. तर रविवारपासून (ता. १२) कमाल आणि किमान तापमानात आणखी वाढ होईल. कमाल तापमान ३१ अंश सेल्सिअस तर किमान तापमान २५ अंश सेल्सिअस इतके नोंदविण्यात येण्याची शक्यता आहे.
धरणांतील पाणीसाठ्याची स्थिती (गुरूवारी सायं. ५ पर्यंत)
धरण क्षमता (टीएमसी) आजचा साठा (टीएमसी) टक्केवारी पाऊस मिमी. एकूण पाऊस मिमी.
खडकवासला १.९७ १.९४ ९८.४० ०० ४१९
पानशेत १०.४१ ६.१३ ५७.५८ ०० ९८४
वरसगाव १२.८२ ६.१३ ५२.४९ ०० ९५४
टेमघर ३.७१ १.३७ ३६.९७ ०८ १,२१४
पवना ८.५१ ६.२८ ७३.८६ १ १४८०
भामा आसखेड ७.६७ ५.६५ ७३.४७ ०० ४९३
वडिवळे १.०७ ०.९९ ९२.०४ ५ १,१४०
भाटघर २३.५० ११.३६ ४८.३५ ०० ४५९
वीर ९.४१ ९.४१ १००. ०० ० २४८
नीरा देवघर ११.७३ ६.६४ ५६.६४ २ ८७९
डिंभे १२.५० ५.९५ ४७.६१ २ ५८५
गुंजवणी ३.६९ २.१६ ५८.४८ १ ९५५
