राज्यभरात ‘गुलाबी थंडी’ची सुखद चाहूल; पुण्यात सर्वात कमी तापमानाची नोंद विदर्भात पावसाची शक्यता, हवामान विभागाचा अंदाज?

0

संपूर्ण राज्यात सध्या हवामानाचा लपंडाव सुरू आहे. एकीकडे ‘गोड गुलाबी थंडी’ची सुखद चाहूल लागलीअसताना उत्तरेकडून थंड वारे खाली महाराष्ट्राच्या दिशेनं सरकत आहेत.तर दुसरीकडे पश्चिम बंगालच्या खाडीत कमी दाबाचा पट्टा तयार झाला आहे. सोबतच बंगालच्या उपसागरात तयार होत असलेल्या ‘अकबन’ चक्रीवादळाचा परिणाम आता राज्यातील हवामानातही जाणवतो आहे.

एकीकडे महाराष्ट्रतील बहुतांश जिल्ह्याच्या किमान तापमानात घट होत असतानाचे चित्र असताना, हवामान विभागाने 19 नोव्हेंबरच्या आसपास विदर्भात पावसाची शक्यता वर्तवण्यात आली आहे. तर राज्यात पुढील 5 दिवस पावसाचा अंदाज नसला, तरी चक्रीवादळाच्या दिशेनुसार हवामानात बदल होऊ शकतो, असा अंदाज आहे. दरम्यान राज्यात कोणत्या जिल्ह्यात हवामानाची एकंदरीत परिस्थिती काय ते पाहूया

अधिक वाचा  भाषण नळावरच्या भांडणासारखं ‘लोक तुम्हाला चौकाचौकात.,’ ‘गोकुळ’च्या विजयानंतर शिवसेनेच्या धंगेकरांनी भाजपला पुन्हा डिवचलं!

राज्यातपुणे येथे राज्यातील सर्वात कमी 12.1 अंश सेल्सिअस तापमानाची नोंद झाली आहे. तर तिकडे, नाशिककर देखील थंडीने गारठले असून नाशकात तापमान 12.6 अंशावर पोहचले आहे. यंदा रविवारी हंगामातील आतापर्यंतच्या निचांकी 12.6 अंश सेल्सिअस किमान तापमानाची नोंद करण्यात आली आहे. तर उत्तरेकडून येणाऱ्या थंड वाऱ्यांच्या प्रवाहामुळे देखील वातावरणात गारवा जाणवत आहे. दरम्यान, केवळ थंडी वाढली नसून, पहाटेचा कडाका आणि दुपारचे ऊन यातील तफावतीमुळे आरोग्याचा प्रश्न निर्माण देखील निर्माण झाला आहे. गेल्या आठ दिवसांत शहराच्या किमान तापमानात 1.6 अंश सेल्सिअसची घसरण झाल्याची माहिती प्रादेशिक हवामान विभागाने दिली आहे.

अधिक वाचा  कर्वेनगर नदीपात्रातील ‘उड्डाण’पूल पूर्णत्वास; मात्र जोडरस्त्यांचे ‘कागदी घोडे’च! चंद्रकांतदादांचा महत्वकांक्षी ‘मिसिंग लिंक’ही डिस्कनेक्टेड?

दिवाळीनंतर आता रत्नागिरी जिल्ह्यात थंडीची चाहूल लागली आहे. पहाटेच्या वेळी शहरासह ग्रामीण भागात धुक्याची चादर पसरत असून उशिरा सूर्यदर्शन होत आहे. मुंबई-गोवा महामार्गावरही धुक्याचे प्रमाण वाढल्याने वाहनचालकांना कमी दृश्यमानतेचा सामना करावा लागत आहे. हवेत गारवा आणि तापमानात घट झाल्याने वाहतुकीचा वेगही मंदावला आहे.

राज्यातील किमान आणि कमाल तापमान-

  • किमान 15 अंश सेल्सिअस
  • कमाल 31 अंश सेल्सिअस
  1. बारामती किमान 20 अंश सेल्सिअस
  2. परभणीचे तापमान 12.06 अंश सेल्सिअस
  3. – नाशिककर थंडीने गारठले तापमान 12.6 अंशावर…
  4. – रविवारी हंगामातील आतापर्यंतच्या निचांकी 12.6 अंश सेल्सिअस किमान तापमानाची नोंद
अधिक वाचा  चंद्रकांतदादा पाटील यांच्या संकल्पनेच्या ‘सुखदा’मध्ये १००० बालकांचा अनोखा बालदिन सोहळा मायेचा स्पर्श अन् आनंदाचा उत्सवही