नागपूर पदवीधर मतदारसंघासाठी भाजपनं सुधाकर कोहळे यांना संधी देत काँग्रेसच्या अभिजित वंजारी यांच्या विरोधात मैदानात उतरवलं आहे. अतिशय प्रतिष्ठेच्या मानल्या जाणाऱ्या या मतदारसंघा तील विजयासाठी भाजप नं मोठी मोर्चे बांधणी केली असून पक्षातील अनेक नावं ही निवडणूक लढण्यासाठी इच्छुक होते. मात्र पक्षाशी एकनिष्ठ राहिले ल्या आणि पेशाने शिक्षक असलेल्या सुधाकर कोह ळेंवर भाजप पक्षानं विश्वास दर्शवत उमेदवारी दिली आहे . तर दुसरीकडे याच मतदारसंघातून निवडणुकीसाठी इच्छुक असलेलं दुसरं नाव म्हणजे अनिल सोले हे होय. माजी आमदार अनिल सोलें ना पक्षानं उमेदवारी न दिल्याने आता त्यांनी बंडखोरीचा पवित्रा उचला आहे . परिणामी अनिल सोले आज दुपारी अपक्ष उमेदवारी अर्ज दाखल करणार असल्याची माहिती आहे. तर दुसरीकडे अनिल सोले यांच्या पाठोपाठ संघपरिवातील पदाधिकारी असलेलं रमण सेनाड यांनी देखील बंडखोरी केली आहे. नागपूर पदवीधर मतदारसंघातून भाजपकडून सुधाकर कोहळे यांची उमेदवारी जाहीर झाली असतांना रमण सेनाड हे देखील आज आपला उमेदवारी अर्ज भरत असल्याची माहितीआहे.
संघ परिवातील पदाधिकारी रमण सेनाडे ही मैदानात, भाजपची डोकेदुखी वाढणार?
दरम्यान, रमण सेनाड हे विश्व हिंदू परिषदेच्या मंदिर आयामचे विदर्भसह प्रांतप्रमुख आहे. मी मागच्या पन्नास वर्षांपासून संघ परिवार काम करतो, तीस वर्षांपासून भाजपमध्ये काम करत आहे. अनेक वेळा मी उमेदवारी मागितली, मात्र पक्षाने तिकीट नाकारली. तरी मी प्रामाणिकपणे पक्ष व संघाचे काम सुरु ठेवले. मात्र आता कार्यकर्त्यांच्या आग्रहास्त उमेदवारी अर्ज भरत असल्याचे सेनाड यांनी सांगितले. त्यामुळेआता नागपूर विभाग पदवीधर मतदारसंघात भाजपची डोकेदुखी अधिक वाढली असून या बंडखोरांना पक्ष कशी समजूत काढतं हे पाहणे महत्वाचं ठरणार आहे.
अशातच, नागपूर पदवीधर मतदारसंघासाठी भारतीय जनता पक्षाकडून अधिकृत उमेदवार असलेले सुधाकर कोहळे आज आपला नामांकन अर्ज भरणार आहे. महसूल मंत्री चंद्रशेखर बावनकुळे व नागपूर विभागातील इतर पदाधिकाऱ्यांच्या उपस्थितीत सकाळी 10 वाजता नागपूरच्या विभागीय आयुक्त कार्यालयात आपले नामांकन दाखल करणार आहे. नागपूर पदवीधर मतदारसंघासाठी पक्षाने माझ्यावर विश्वास टाकला, हे पक्ष निष्ठेचा फळ आहे. गेल्या वेळेस नागपूर पदवीधर मतदार संघात 57 वर्षानंतर पराभव झाला होता, यावेळेस त्याचा बदला घ्यायची वेळ आहे. अशी प्रतिक्रिया सुधाकर कोहळे यांनी दिली आहे. आम्ही ज्या प्रकारे मतदार नोंदणी केली त्यामुळे विजय आमचाच असल्याचे सुधाकर कोहळे यांनी सांगितलेय.
