मनोरंजन विश्वातून एक मोठी बातमी समोर आली आहे. ‘महाभारत’ या लोकप्रिय मालिकेत भीमची भूमिका साकारणारे अभिनेता सौरव गुर्जरला हैदराबाद पोलिसांनी अटक केल्याची माहिती मिळते आहे. अभिनेता आणि WWE रेसलर म्हणून ओळखल्या जाणाऱ्या सौरव गुर्जरला लग्नाचे आमिष दाखवून महिलेचा छळ केल्याच्या आरोपाखाली बेड्या ठोकण्यात आल्या आहेत.या प्रकरणी पोलिसांनी अभिनेत्याला मुंबई विमानतळावरून पकडले आणि हैदराबादला आणल्यानंतर कायदेशीर प्रक्रिया पूर्ण करून १४ दिवसांच्या न्यायालयीन कोठडीत पाठवले आहे.
नेमकं काय आहे प्रकरण? जाणून घेऊया…
२९ महिलेच्या तक्रारीनुसार, सौरभ गुर्जर आणि तिची २०२१ मध्ये इंस्टाग्रामवर ओळख झाली आणि नंतर ते व्हॉट्सॲपद्वारे एकमेकांच्या जवळ आले. तक्रारीत म्हटले आहे की, त्याने या महिलेशी लग्न करण्याचं वचन दिले होते आणि ते अमेरिकेत एकत्र राहत होते, तसेच ती भारतात परतल्यानंतरही ते एकत्रच राहिले. आपल्या तक्रारीत, त्या महिलेने म्हटले आहे की, सौरवने तिला एकत्र व्यवसाय सुरू करण्याचं वचन देऊन अमेरिकेतील नोकरी सोडून भारतात परत येण्यासाठी राजी केलं होतं. महिलेच्या आरोपासून, जेव्हा जेव्हा तिने लग्नाबाबत विचारलं, तेव्हा सौरव यांनी तिचा नंबर ब्लॉक केला आणि तिच्यापासून अंतर ठेवले. सतत होत असलेल्या मानसिक छळामुळे त्यांना आपल्या करिअरवर लक्ष देता आलं नाही, असं या महिलेचं म्हणणं आहे. या महिलेचा दावा आहे की, ती आणि अभिनेता ऑक्टोबर २०२५ ते मार्च २०२६ पर्यंत एकत्र राहिले, त्यानंतर काहीच न सांगता सौरव अचानक गायब झाला.
दरम्यान, तक्रार दाखल झाल्यानंतर गचीबोवली पोलिसांनी गुन्हा दाखल करून तपास सुरू केला. मिळालेल्या माहितीनुसार, अधिकाऱ्यांनी सौरभ गुर्जरला मुंबई विमानतळावर ताब्यात घेऊन पुढील कारवाईसाठी हैदराबादला नेले. नंतर त्याला न्यायालयीन कोठडी सुनावण्यात आली.
कोण आहे सौरव गुर्जर?
सौरव गुर्जर हा मनोरंजनविश्वातील लोकप्रिय अभिनेता आहे. २०१३ मध्ये आलेल्या ‘महाभारत’ मालिकेतून अभिनय कारकिर्दीची सुरुवात केली होती. या मालिकेत त्यांनी भीमाची भूमिका साकारली होती. त्यानंतर तो ‘संकटमोचन महाबली हनुमान’ या मालिकेत पाहायला मिळाला. सौरव गुर्जर हा अभिनेता असण्याोबतच एक WWE पैलवान आहे.अनेक टीव्ही मालिकांमधून काम केल्यानंतर त्याने रणबीर कपूरच्या ‘ब्रह्मास्त्र’ या चित्रपटात देखील काम केलं. या चित्रपटात तो खलनायकाच्या भूमिकेत दिसला.
