मागील काही दिवसांपासून उपमुख्यमंत्री एकनाथ शिंदे महायुतीत नाराज असल्याची चर्चा सुरू आहे. मुख्यमंत्री पदावरून शिंदे आणि फडणवीस यांच्यात दरी निर्माण झाल्याचं बोललं जातंय. यातूनच अलीकडे पार पडलेल्या मंत्रीमंडळाच्या काही बैठकींना शिंदे गैरहजर राहिले होते. तसेच त्यांनी ‘मला हलक्यात घेऊ नका, मी काय करू शकतो, हे 2022 मध्ये दिसलं’ असं वक्तव्य देखील त्यांनी केलं आहे.

शिंदेंचं हे वक्तव्य महाविकास आघाडीसाठी असल्याचं सांगितलं जात असलं तरी हा महायुतीलाच इशारा असल्याचं बोललं जातंय. एकीकडे शिंदेंच्या नाराजीच्या चर्चा सुरू असताना आता शिंदेंनी महायुतीतून बाहेर पडण्याचा एक्झिट प्लॅन ॲक्टीव्ह केल्याचं बोललं जातंय. याचं कारण म्हणजे केंद्रीय गृहमंत्री अमित शाह यांचा पुणे दौरा. केंद्रीय गृहमंत्री अमित शाह आज पुणे दौऱ्यावर आहे. शुक्रवारी उशिरा ते पुण्यात दाखल झाले आहेत. ते पुण्यात विविध कार्यक्रमांना हजेरी लावणार आहेत.

अमित शाह यांच्या सर्व कार्यक्रमांना मुख्यमंत्री देवेंद्र फडणवीस आणि उपमुख्यमंत्री अजित पवार उपस्थित असणार आहेत. मात्र, दुसरे उपमुख्यमंत्री एकनाथ शिंदे अमित शाहांच्या कार्यक्रमांना उपस्थित राहणार नाहीत. पुण्यातील अमित शहांच्या कार्यक्रमांकडे उपमुख्यमंत्री एकनाथ शिंदे यांनी पाठ फिरवल्याने एकनाथ शिंदेंनी महाविकास आघाडीतून बाहेर पडण्याचा एक्झिट प्लॅन अॅक्टीव्ह केल्याची चर्चा आहे.

पुण्यामध्ये आज केंद्रीय गृह विभागाची पश्‍चिम विभागीय बैठक पार पडणार आहे. या महत्त्वाच्या बैठकीसाठी शाह पुणे दौऱ्यावर आले आहेत. आजच्या गृह विभागाच्या बैठकीला महाराष्ट्र, गुजरात, गोवा, दादरा आणि नगर हवेली, दमण दीव येथील अधिकारी उपस्थित राहणार आहेत. देशाच्या पश्चिम विभागातील तीन मुख्य राज्य आणि तीन केंद्रशासित प्रदेशातील सर्व ग्रह खात्याचे महत्त्वाचे अधिकारी बैठकीला उपस्थित राहणार आहेत. इतक्या महत्त्वाच्या बैठकीला शिंदे उपस्थित राहणार नसल्याने चर्चांना उधाण आलं आहे.

असा असेल अमित शाहांचा दौरा

अमित शाह सकाळी आकरा वाजता कोरेगाव पार्क परिसरातील हॉटेल वेस्टीनमध्ये पश्चिम विभागीय परीषदच्या बैठकीला उपस्थित राहणार आहेत. ही सुरक्षा विषयक बैठक असणार आहे. दुपारी तीन वाजता ते जनता सहकारी बँकेच्या अमृत महोत्सवी वर्षाचा सांगता समारंभ कार्यक्रमाला प्रमुख उपस्थिती लावणार आहेत. हा कार्यक्रम हडपसर येथील विठ्ठलराव तुपे नाट्यगृहात कार्यक्रम होणार आहे. यानंतर पाच वाजता अमित शाह बालेवाडी येथील शिवछत्रपती क्रिडा संकुलात प्रधानमंत्री आवास योजनेतील लाभार्थ्यांना मंजुरीपत्र वितरण आणि निधीचे वितरण करणार आहेत.

भाजपचे आमदार सुरेश धस हे राष्ट्रवादी अजित पवार गटाचे मंत्री धनंजय मुंडे यांच्या मतदारसंघात पोहोचले आहे. ज्यांच्यावर आरोप केले, त्यांच्याच मतदारसंघात धस यांनी एंट्री केल्यामुळे मुंडे समर्थकांनी कडाडून विरोध केला. काही ठिकाणी धस यांच्या ताफ्यावर दगडफेक करण्याचाही प्रयत्न झाला. पण पोलिसांनी वेळीच अडवला.

आमदार सुरेश धस हे महादेव मुंडे यांच्या कुटुंबीयांना भेटण्यासाठी परळीमध्ये आले होते. त्यानंतर त्यांनी संतोष देशमुख यांचे बंधू धनंजय मुंडे यांची भेट घेतली. त्यानंतर शिरसाळा इथं पोहोचले असता पुन्हा एकदा सुरेश धस यांचा ताफा अडवण्याचा प्रयत्न झाला. आंदोलकांनी सुरेश धस यांचा ताफा अडवून जोरदार विरोध केला.

सुरेश धस यांच्या विरोधात ताफ्यासमोरच जोरदार घोषणाबाजी करण्यात आली. यावेळी आंदोलक आणि धस समर्थक आमने सामने आले होते. परळीत विरोध झाल्यानंतर मुंडेंच्या मतदारसंघात आंदोलक आक्रमक झाले होते. सुरेश धस यांच्या ताफ्यावर दगडफेक करण्याचाही प्रयत्न झाला होता मात्र पोलिसांनी वेळीच पकडल्याने पुढील अनर्थ टळला.

दरम्यान, आज सकाळी सुद्धा सुरेश धस यांच्या विरोधात घोषणाबाजी करणाऱ्या मुंडे समर्थक आणि कराड समर्थकांना पोलिसांनी ताब्यात घेतले. सुरेश धस परळीची बदनामी करत असल्याचा आरोप मुंडे समर्थकांनी केला होता. सुरेश धस यांना काळे झेंडे दाखवून घोषणाबाजी करण्यात आली होती. घोषणाबाजीनंतर काही काळ परळीमध्ये तणावाचे वातावरण निर्माण झाले होते. घोषणाबाजी करणाऱ्या मुंडे समर्थकांना पोलिसांनी ताब्यात घेतलं होतं.

गुंतवणूकदारांच्या पाच हजार कोटींच्या अर्थकारणासाठी परळी दौरा

मराठवाड्यातील आठ जिल्ह्यांमधल्या सोळा लाख ठेवीदारांचा आणि पाच हजार कोटी रुपयांचा प्रश्न आहे. त्यातील दीड लाखापेक्षा जास्त ठेवीदार बीड जिल्ह्यातील आहे. तीनशे कोटींपैकी 250 कोटी परळी शहरातील आहेत. तसेच कर्ज वाटपसुद्धा परळी तालुक्यातील आहे. कोटीचे कर्ज उचलणारेच फडके (झेंडे) दाखवायला आले असतील. जवळपास वीस हजार लोकांचे पैसे अडकले आहेत, असे सुरेश धस यांनी सांगितले.

सुरेश धस-धनंजय मुंडे यांच्या भेटीमागचे राजकारण

मागील आठवड्यात सुरेश धस यांनी गुप्तपणे धनंजय मुंडे यांची भेट घेतली होती. या भेटीने राजकीय वर्तुळात खळबळ उडाली होती. दोन महिने आरोप केल्यानंतर सुरेश धस धनंजय मुंडे यांना बंद दरवाजाआड भेटूच कसे शकतात, असा प्रश्न विचारात अनेकांनी त्यांच्या विश्वार्हतेवर प्रश्नचिन्ह उपस्थित केले होते. त्यानंतर मात्र बावनकुळे यांच्या घरी आम्ही भेटलो तसेच ते आजारी असल्याने त्यांची विचारपूस करण्यासाठी त्यांची भेट घेतली, असे सुरेश धस यांनी सांगितले.

कसबा जिंकण्यासाठी जंग जंग पछाडूनही केवळ वैयक्तिक करिश्म्यातून भाजपला अपयशाची धूळ चाखायला लावणारे काँग्रेस नेते रवींद्र धंगेकर सध्या एकनाथ शिंदे यांच्या शिवसेना पक्षाच्या वाटेवर असल्याची चर्चा सुरू आहे. नुकत्याच पार पडलेल्या विधानसभा निवडणुकीत भाजपचे हेमंत रासने यांच्याकडून धंगेकर यांना पराभूत व्हावे लागले. विधानसभा निवडणुकीत पक्षाकडून योग्य मदत मिळाली नसल्यानेच पराभव झाल्याची भावना त्यांच्या मनात आहे. याच भावनेतून पक्षबदलाचा विचार त्यांच्या मनात घोळत असल्याचे त्यांच्या निकटवर्तीयांनी सांगितले.

एकनाथ शिंदे यांच्या नेतृत्वाखालील शिवसेना पक्षाकडून राज्यात जोरदार पद्धतीने ऑपरेशन टायगर राबवले जात आहे. मागील दोन दिवसांपूर्वीच पुण्यात ‘मिशन टायगर’ जोरदार पद्धतीने होणार, असे वक्तव्य शिवसेना नेते, मंत्री उदय सामंत यांनी केल्याने धंगेकर यांच्या सेना प्रवेशाची चर्चा होत आहे.

रवींद्र धंगेकर शिंदे गटाच्या वाटेवर? स्टेटसमधून संकेत दिले

काँग्रेसचे माजी आमदार रवींद्र धंगेकर यांनी स्वत:चा एक फोटो स्टेटसला ठेवला आहे. ज्यात त्यांनी गळ्यात भगवा पंच्या टाकलेल्या फोटोला प्रसिद्ध संगीतकार अजय अतुल यांचे तेरे क़दमों के तले मिट्टी हे गीत फोटोला लावले आहे.

रवींद्र धंगेकर शिवसेना शिंदे गटाच्या संपर्कात असून काही दिवसांपूर्वी रवींद्र धंगेकर एकनाथ शिंदे यांची भेट घेतली होती. एकनाथ शिंदे सध्या पुण्याच्या दौऱ्यावर असून त्यांच्या दौऱ्यात धंगेकर भेट घेतात का? अशी जोरदार चर्चा सुरू आहे. मिशन टायगरमध्ये रवींद्र धंगेकरांचाही नंबर लागण्याची शक्यता व्यक्त केली जात आहे.

काँग्रेसचे झुंजार नेते शिंदे गटाचं धनुष्यबाण हाती घेणार?

विधानसभा निवडणुकीत पराजय झाल्यापासून रवींद्र धंगेकर पक्षावर काहीसे नाराज आहेत. ३० डिसेंबर रोजी त्यांनी उपमुख्यमंत्री एकनाथ शिंदे यांची भेट घेतल्याने ते शिवसेना प्रवेशाचा निर्णय घेणार का? अशा चर्चा राजकीय वर्तुळात सुरू आहेत.

रवींद्र धंगेकर हे काँग्रेसचे झुंजार नेते. मनसेमधून काँग्रेसमध्ये आल्यानंतर त्यांनी पुण्यातील कसबा मतदारसंघ बांधला. मुक्ता टिळक यांच्या निधनानंतर निवडणूक लागलेल्या कसब्यात त्यांनी भाजपला अस्मान दाखवून विधानसभेत पाऊल ठेवले. केवळ दीड वर्षे काम करायला मिळाल्यानंतर ते पुन्हा २०२४ च्या विधानसभेला सामोरे गेले. परंतु यंदा विजयाची पुनरावृत्ती झाली नाही. भाजपच्या हेमंत रासने यांनी बाजी मारून धंगेकर यांना पराभूत केले आणि मागील पराजयाचा बदलाही घेतला. विधानसभेतील पराजयापासून धंगेकर पक्षात काहीसे नाराज असल्याची चर्चा आहे.

आदित्य ठाकरे यांना कोणत्याही क्षणी अटक होऊ शकते, असा दावा किशोर तिवारी यांनी केला आहे. पंतप्रधान मोदी यांची जेव्हा इच्छा होईल, तेव्हा कोणत्याही क्षणी आदित्य ठाकरे यांना दिशा सालियन प्रकरणात अटक होऊ शकते, असा दावा तिवारी यांनी केला आहे. किशोर तिवारी हे याआधी उद्धव ठाकरे यांच्या शिवसेनामध्ये होते. काही दिवसांपूर्वी किशोर तिवारी यांनी एकनाथ शिंदे यांच्या शिवसेनेत प्रवेश केला. आदित्य ठाकरे यांना कोणत्याही क्षणी अटक होऊ शकते, असा दावा तिवारी यांनी केला आहे. त्यामुळे राजकारणात खळबळ उडाली आहे.

दिवंगत अभिनेते सुशांत सिंह राजपूत याची मॅनेजर दिशा सालियन यांनी आत्महत्या केली होती. दिशा सालियन प्रकरणासंदर्भात आदित्य ठाकरे यांच्यावर गंभीर आरोप झाले आहेत. दिशा सालियन यांनी आत्महत्या केली नाही, त्यांचा जीव घेतला गेला. यामध्ये आदित्य ठाकरे यांचा हात असल्याचा दावा राणे यांनी केला होता. आता किशोर तिवारी यांनी याप्रकरणात खळबळजनक दावा केला आहे. पंतप्रधान नरेंद्र मोदी यांना जेव्हा इच्छा होईल, तेव्हा आदित्य ठाकरे यांना अटक होईल, असे किशोर तिवारी म्हणाले आहेत.

विधानसभा निवडणुकीच्या पराभवानंतर किशोर तिवारी यांनी आपल्याच पक्षातील नेत्यांवर गंभीर टीका केली आहे. विधानसभा निवडणुकीला काही नेते जबाबदार असल्याचा दावा त्यांनी केला होता. संजय राउत, विनायक राउत, अरविंद सावंत आणि मिलिंद नार्वेकर यांनी मातोश्री आणि शिवसेना भवनावर कब्जा केल्याचा दावा केला होता. त्यानंतर तिवारी यांची पक्षातून हकालपट्टी करण्यात आली होती.

पुणे : राजकारणात करिअर घडवण्यासाठी कार्यकर्ता आपला संपूर्ण वेळ आणि मेहनत झोकून देतो. मात्र, काही नेते कार्यकर्त्यांना मोठं होण्याची संधी देत नाहीत. याच कारणामुळे पुण्यातील काँग्रेसच्या काही पदाधिकाऱ्यांनी पक्ष सोडण्याचा निर्णय घेतला आहे. काँग्रेस युवक सरचिटणीस रोहन सुरवसे पाटील आणि त्यांच्या सोबत काही अन्य पदाधिकारी आणि कार्यकर्ते लवकरच उपमुख्यमंत्री अजित पवार यांच्या राष्ट्रवादी काँग्रेस पक्षात प्रवेश करणार असल्याची माहिती मिळाली आहे. अद्याप प्रवेशाची ठोस तारीख निश्चित झालेली नसली, तरी चर्चासत्रे आणि भेटीगाठींचे अंतिम टप्पे पार पडले आहेत.

रोहन सुरवसे पाटील हे काँग्रेसचे आक्रमक युवा नेते म्हणून ओळखले जातात. त्यांनी विविध आंदोलनांत सक्रिय सहभाग घेतला आहे. खासदार राहुल गांधी यांनी सावरकरांबद्दल केलेल्या विधानाला समर्थन देत त्यांनी सारसबाग येथील सावरकर पुतळ्याजवळ “माफीवीर” असा बॅनर लावला होता. यानंतर त्यांना पोलीस कोठडीला सामोरे जावे लागले आणि 50 हजारांच्या जामिनावर मुक्तता मिळाली. त्यानंतरही त्यांनी काँग्रेसमध्ये सक्रिय राहून पक्षसंघटनासाठी काम केले.

काँग्रेसला मोठा धक्का बसणार?

अनेक वर्षे पक्षासाठी झटूनही संधी मिळत नसल्याची भावना पदाधिकारी आणि कार्यकर्त्यांमध्ये आहे. याशिवाय, शहरातील वरिष्ठ नेते संघटन कार्यात मदत करत नसल्याचा आरोप कार्यकर्त्यांकडून होत आहे. आगामी निवडणुकीच्या पार्श्वभूमीवरही काँग्रेसमध्ये जुन्याच पदाधिकाऱ्यांना संधी दिली जात आहे. या सर्व कारणांमुळे रोहन सुरवसे पाटील आणि त्यांच्या सहकाऱ्यांनी काँग्रेसला रामराम करत अजित पवार यांच्या राष्ट्रवादी काँग्रेसमध्ये प्रवेश करण्याचा निर्णय घेतला आहे.

सूत्रांच्या माहितीनुसार, या संदर्भात राष्ट्रवादी काँग्रेसचे पार्थ पवार आणि प्रदेशाध्यक्ष सुनील तटकरे यांच्यासोबत बैठक पार पडली आहे. त्यामुळे आगामी काळात काँग्रेसला आणखी काही पदाधिकाऱ्यांच्या विभक्त होण्याला सामोरे जावे लागू शकते.

जालना : संतोष देशमुख हत्या प्रकरणातील आरोपींना जेलमध्ये व्हीआयपी ट्रीटमेंट मिळत असल्याचा संशय देशमुखांचे भाऊ धनंजय देशमुख यांनी व्यक्त केला आहे. आरोपींना जेलमध्येही कोणीतरी जाऊन भेटत आहे, असा संशयही त्यांनी व्यक्त केला. तसंच न्याय मिळाला नाही तर अन्नत्याग आंदोलन करू असा इशाराही देशमुख कुटुंबाकडून देण्यात आला होता.

मनोज जरांगे आमच्या आंदोलनासोबत ते सहभागी होणार आहेत. आरोपींना जेलमध्ये व्हीआयपी ट्रीटमेंट मिळते, अशी माहिती आमच्याकडे आली आहे मात्र त्याची खात्री करत आहोत पण संशय आहे. आरोपींना जेलमध्येही कोणीतरी जाऊन भेटत आहे, असे धनंजय देशमुख म्हणाले. तसेच अन्नत्याग आंदोलनाचा इशारा दिल्यानंतरही सरकारच्या वतीने कोणीही वरिष्ठ अधिकाऱ्याची शिष्टमंडळ भेटायला आले नाही. केज पोलीस ठाण्याचे पोलीस निरीक्षक भेटायला आले, अशी खंतही धनंजय देशमुख यांनी व्यक्त केली

मनोज जरांगे यांनी बीडच्या मस्साजोगमध्ये जाऊन संतोष देशमुख यांच्या कुटुंबीयांची भेट घेतली. संतोष देशमुख हत्या प्रकरणातील आरोपींना सहकार्य करणाऱ्यांना अटक करण्यात आली नाही असं म्हणत त्यांनी संताप व्यक्त केला. संतोष देशमुखांच्या कुटुंबीयांना न्याय मिळाला नाही तर शांत बसणार नाही असा इशाराही जरांगे पाटलांनी दिला. संतोष देशमुख हत्या प्रकरणातील चार्जशीटमध्ये छेडछाड होण्याची शक्यताही त्यांनी व्यक्त केली. याचवेळी त्यांनी धनंजय मुंडेंवरही निशाणा साधला. मंत्री म्हणून धनंजय मुंडेंना आरोपी केलं जात नाही का? असा सवालही जरांगेंनी केलाय.

कृष्णा आंधळेला अटक करा: मनोज जरांगे

संतोष देशमुख हत्या प्रकरणातील चारशीट मध्ये छेडछाड होण्याची शक्यता आहे. तपासी यंत्रणाला 100 टक्के मुभा दिलेली नाही. 25 तारखेला उपोषणा ठरला आहे संवेदनशील विषय आहे.. निवेदन असलं नसलं तरी सहकार्य करा. राजेश पाटील आणि प्रशांत महाजन या पोलीस अधिकाऱ्यांना सह आरोपी करा आणि त्यांची चौकशी करा. कृष्णा आंधळे याला अटक करा, अशी मागणी मनोज जरांगेंनी केला आहे.