बीडच्या मस्साजोगचे सरपंच संतोष देशमुख यांची ९ डिसेंबरला २०२४ ला निर्घृण हत्या करण्यात आली. बीड जिल्ह्यातील कायदा आणि सुव्यवस्थेचा प्रश्न चव्हाट्यावर आला. बीडमधील गुन्हेगारीचे सत्र संपता संपत नसल्याचे चित्र समोर येत आहे. त्यातच आता बीडच्या शिरुर तालुक्यातील एका व्यक्तीला मारहाण झाल्याचा व्हिडीओ सोशल मीडियावर व्हायरल झाला होता. कुख्यात गुंड आणि भाजप पदाधिकारी असलेल्या सतीश भोसले याने एका व्यक्तीला बेदम मारहाण केली होती. सतीश भोसले हा आमदार सुरेश धस यांचा निकटवर्तीय असल्याची माहिती समोर येत होती. या प्रकरणानंतर अखेर सतीश भोसले यांनी स्पष्टीकरण दिले आहे.

सतीश भोसले यांनी नुकतंच बीडमधील प्रसारमाध्यमांशी संवाद साधला. यावेळी त्यांना घडलेल्या संपूर्ण प्रकरणाबद्दल विचारणा करण्यात आली. त्यावर त्यांनी भाष्य केली. “त्या व्यक्तीने माझ्या मित्राच्या बायकोची छेड काढली, म्हणून मी मारहाण केली”, असे स्पष्टीकरण सतीश भोसले यांनी दिले.

“मी शांत बसणार नाही”

“मी मारहाण केली आहे. मी कबूल करतो. त्याचे कारण वेगळे आहे. मित्राच्या बायकोची त्यांनी छेड काढली म्हणून मी मारहाण केली आहे. मला पोलिसात जायला हवं होतं. मात्र ती वेळ नव्हती. मला राग आला होता, म्हणून मारहाण केली. कुठल्याही मुली आणि महिलांची छेड काढल्यावर मी शांत बसणार नाही. मला जे योग्य वाटलं ते मी केलं”, असे सतीश भोसले म्हणाले.

“मी पारधी समाजातील लहान कार्यकर्ता आहे. कोविड काळामध्ये माझं हे काम बघा. मी कुठलाही गुंड आणि दहशत करणारा नाही. माझ्याबद्दल चुकीची माहिती प्रसारित केली जात आहे. मी कुठलाही गुन्हेगार नाही. जी कारवाई होईल त्याला मी सामोरे जाईल”, असेही सतीश भोसलेंनी म्हटले.

नेमकं प्रकरण काय?

बीड जिल्ह्यातील अमानुष मारहाणीचा आणखी एक धक्कादायक व्हिडीओ समोर आला होता. या व्हिडीओत एक पांढरा शर्ट परिधान केलेला व्यक्ती दिसत आहे. या व्यक्तीला एक जण बॅटने मारहाण करताना दिसत आहे. त्याच्या आजूबाजूला काही व्यक्ती उभ्या असल्याचे दिसत आहेत. त्यादेखील त्याला मारहाण करताना दिसत आहे. त्या व्यक्तीला अत्यंत क्रूरपणे मारहाण केली जात आहे.

बीड जिल्ह्यातील शिरूर तालुक्यातील मारहाणीचा हा व्हिडीओ असल्याचे सांगितले जात होते. यात सतीश भोसलेने बीड जिल्ह्याच्या शिरूर तालुक्यातील बावी गावातील एका गरीब व्यक्तीला मारहाण केली. या मारहाणीत संबंधित व्यक्तीचे सगळेच दात तुटले असल्याची माहिती समोर येत आहे. मारहाण करणाऱ्या व्यक्तीचे पोलिसांसोबतच संबंध असल्याची सुद्धा माहिती समोर आली होती. यामुळे बीडमधील कायदा सुव्यवस्थेचा प्रश्न उपस्थित झाला होता.

बीडच्या मस्साजोगचे सरपंच संतोष देशमुख यांच्या निर्घृण हत्येप्रकरणी कसून चौकशी सुरु आहे. संतोष देशमुख हत्या प्रकरणी चार्जशीट दाखल केल्यानंतर आज त्यांचे बंधू धनंजय देशमुख यांनी एसआयटी अधिकाऱ्यांची भेट घेतली. या भेटीनंतर धनंजय देशमुख यांनी आता तपासाचा पार्ट टू सुरू झाला आहे. पार्ट टू मध्ये सगळ्यांचा पर्दाफाश होईल, असे ते म्हणाले. न्यायालय समितीचे काम लवकरात लवकर चालू करावं, अशी विनंती धनंजय देशमुख यांनी मुख्यमंत्री देवेंद्र फडणवीस यांच्याकडे केली.

“येत्या 27 तारखेला चार्जशीट दाखल करण्यात आली आहे. आज आम्ही अनिल गुजर यांना भेटलो तपासाबाबत चर्चा झाली. स्पेशल केस म्हणून या तपासाकडे सगळ्यांनी पाहिल आहे. आता हे एक टप्पा झाला आहे. आता या तपासाचा पार्ट टू इथून पुढे चालू होईल. राहिलेल्या आरोपीला पकडायचं हे पोलीस यंत्रणेपुढे आवाहन असणार आहे. पार्ट टू मध्ये राहिलेले जे कोणी आहेत, ज्याच्या कुणामुळे या सगळ्या गोष्टी घडल्या, कोण यांचा सगळ्याची पाठराखण करत होता, याची चौकशी होईल. जिल्ह्यातील खून प्रकरण, एवढे गुन्हे कशाच्या जीवावर केले आणि त्या गोष्टीला धरून गुन्हेगारी वाढवली. बीड जिल्ह्यात चुकीच्या गोष्टी करून राज्यात चुकीची ओळख निर्माण केली, त्याचा सगळा पर्दाफाश पार्ट टू मध्ये होईल”, असे धनंजय देशमुख म्हणाले.

“त्याच्यामध्ये काही पण होऊ शकतं. महत्त्वाचा पार्ट इथून पुढे आहे. उघड उघड यामध्ये आरोपी होते, व्हिडीओ आहेत, फोटो आहेत, सीसीटीव्ही आहेत आणि एक आरोपांची कडी जोडली आहे. पडद्यामागून कारनामे करण्याचे षडयंत्र, यांना जे कोणी अभय देत असेल. त्यामध्ये डिपार्टमेंटचे सुद्धा लोक असू शकतात. इतरही लोक असू शकतात, तो तपास लवकर चालू होणार आहे. चार्जशीटचे जे बुलेट पॉईंट काढले आहेत. 53 पानाचे ते मिळाले आहेत. मुख्य चार्जशीट मिळायची बाकी आहे”, असेही धनंजय देशमुख यांनी सांगितले.

“त्यांच्या विरोधात संतापाची लाट”

“मुख्यमंत्री देवेंद्र फडणवीस साहेबांना आम्ही विनंती करणार आहोत की न्यायालय चौकशी समिती स्थापन केली आहे. त्यांनी लवकरात लवकर त्या मार्फत या जिल्ह्याची परिस्थिती अशी का झाली, त्याला कोणता व्यक्ती जबाबदार आहे, कोणती संस्था जबाबदार आहे याचा तपास लवकरात लवकर सुरू व्हावा”, असे धनंजय देशमुखांनी म्हटले.

“माझा न्यायाचा लढा आहे. कुठली गुन्हेगारी पार्श्वभूमी नसताना माझ्या भावाला संपवलं. स्वतःचा भाऊ, स्वतःचा मुलगा समजून या गोष्टी कधी कधी लक्ष दिलं नाही, पाठराखण केली जाते चुकीच्या माणसाचा समर्थन केलं जातं. असं बोटावर मोजण्या इतपत लोक आहेत. सगळे लोक न्यायाच्या भूमिकेत आहेत. जे अन्यायाच्या भूमिकेत चुकीला चूक म्हणणारे जे कोणी लोक नाहीत. त्यांच्या विरोधात संतापाची लाट आहे. आक्रोश आहे. त्या संदर्भात मी काही बोलणार नाही”, असे धनंजय देशमुख म्हणाले.

“मला त्याच्यावर काही बोलायचं नाही”

“येत्या 12 मार्चच्या आधी उज्ज्वल निकम साहेबांची भेट घेण्याचा आमचा मानस आहे. आम्ही त्यांना भेटू चार्जशीटबद्दल त्यांच्याकडून काही गोष्टी आहेत. ज्या दिवशी नामदेव शास्त्री यांनी प्रतिक्रिया दिली, म्हणून दुसऱ्या दिवशी लगेच मी भेट घेतली. आदल्या रात्री सगळं असत्य सांगितलं गेलं होतं. म्हणूनच पुढच्या दिवशी जे सत्य आहे ते मी सांगायला गेलो होतो. त्यांची जी चूक झाली होती ते म्हटले की अजानतेपणाने मी या गोष्टी बोललो होतो. जे आम्ही पुरावे दिले, ज्या गोष्टी वास्तव आहेत. त्या गोष्टीमुळे आज त्यांनी प्रतिक्रिया दिली. त्याच्यावर ज्या काही गोष्टी सांगितल्या होत्या त्या एकदम चुकीच्या होत्या. हे आज सिद्ध झालं आम्ही सांगितलेल्या गोष्टी खऱ्या होत्या हे पण सिद्ध झालं”, असे धनंजय देशमुख म्हणाले.

“पंकजा मुंडे यांची प्रतिक्रिया आहे, त्यांनी कधी यायला पाहिजे होतं. कधी जायला पाहिजे होतं. हे सगळे मुख्यमंत्र्यांचे अधिकार होते. उपमुख्यमंत्र्यांचे अधिकार होते. त्यांनी प्रतिक्रिया आज दिली, त्यांनी अगोदर कधी दिली असती तर त्यांचा विचार केला असता, राजीनामा झाल्यानंतरची प्रतिक्रिया आहे. त्यामुळे मला त्याच्यावर काही बोलायचं नाही”, असे धनंजय देशमुखांनी म्हटले.

भाजपाची महाराष्ट्रातील सर्वात पक्की बांधणी असलेला ….पुणे लोकसभा मतदारसंघ! केंद्रीय एक मंत्रीपद आणि राज्यातील दोन(एक कॅबिनेट व एक राज्य) मंत्रिपदे अन् आणि केंद्रीय स्तरावर नव्याने सुरू झालेल्या ‘वक्फ बोर्ड मालकी हक्क’ समितीच्या सक्रिय सदस्य खासदार मेधा कुलकर्णी एवढं सगळं असतानाही पुणे शहराच्या पश्चिमद्वारावर असलेल्या खडकवासला मतदारसंघात सलग ४ वेळा भाजपचा स्थानिक आमदार निवडून येत असलेल्या मतदारसंघात हिंदुत्ववादी कार्यकर्त्यांच्या नशिबीमात्र निगरगट्ट प्रशासनाच्या समोर हेलपाटेच येत आहेत. पुणे महापालिका आयुक्त, पुणे पोलीस आयुक्त, पुणे सहाय्यक आयुक्त अशा विभिन्न ठिकाणी गेली 3 वर्षापासून या अनाधिकृत मस्जिद्दीवर कारवाई करण्यासाठी पाठपुरावा करत असतानाही याबाबत कोणतीही कारवाई करण्यात आली नाही हे मोठे आश्चर्य आहे. विशेष म्हणजे हिंदुत्ववादी कार्यकर्ते आक्रमक होताच पुणे पोलिसांच्या QRT आणि स्थानिक पोलीस ठाण्याच्या बंदोबस्ताच्या गाड्या मात्र मस्जिद्दीचे संरक्षण करण्यासाठी रातोरात लागतात ही खूप मोठी आश्चर्याची गोष्ट आहे.

पुणे शहराचा विकास होताना पुण्याच्या पश्चिम भागात खडकवासला विधानसभा मतदारसंघातील असलेल्या वारजे माळवाडी याभागामध्ये लोकवस्तीचे स्थलांतर होण्यास सुरुवात झाली आणि !वारजे माळवाडीच्या सर्व डोंगरमाथ्यावरही (सदरील भाग बीडीपी आणि बांधकामास परवानगी नसलेला आहे) सर्वसामान्य नागरिकांचे छोटी-छोटी लोकवस्ती वाढण्यास सुरुवात झाली. सर्वसाधारणपणे पुणे प्रशासनाच्या वतीने कष्टकरी आणि अल्प उत्पादन धारक लोकवस्तीचा भाग म्हणून या भागात होणाऱ्या बांधकामांकडे काहीस दुर्लक्ष करण्यात आल्यानंतर मात्र या भागात आत्ता धार्मिक एकीकरण करण्यासाठी अनधिकृत धार्मिक स्थळांचे काम सुरू असून याबाबत वेळीच विचार न केल्यास भविष्यात मोठा धोका निर्माण होण्याची शक्यता आहे. आज मितीला या भागामध्ये सुमारे दीड ते दोन लाख लोकांची लोकसंख्या असताना धार्मिक एकीकरण आणि धुर्वीकरण करण्याच्या हेतूने धार्मिक स्थळांची काम केली जात असून मुळात कोणतीही परवानगी न घेता धार्मिक स्थळांची निर्मिती करणे हे महाराष्ट्र शासनाच्या कायद्यानुसार गंभीर गुन्हा आहे परंतु याबाबत प्रशासनाच्या वतीने कोणताही ठोस निर्णय घेऊन कार्यवाही केली जात नाही.

खडकवासला मतदारसंघातील गोकूळनगर पठार, वारजे माळवाडी  स.नं.५७/२/१, गोकूळनगर पठार, वारजे माळवाडी, पुणे येथेही अशाच प्रकारचे विना परवानगी व अनाधिकृत सुरू असलेल्या धार्मिक स्थळाच्या बांधकाम असून रफीक शेख व मोहम्मद शेख यांच्यामार्गदर्शनात अनधिकृत धार्मिक स्थळांचे काम सुरू असल्याचा तक्रार अर्ज हिंदुत्ववादी संघटनांनी तीन वर्षांपूर्वी केला असून आजपर्यंत त्याचा पाठपुरावा करत आहेत. महाराष्ट्र शासनाच्या गृह विभागाच्या परिपत्रकानुसार कोणत्याही धार्मिक स्थळाच्या बांधकामाकरीता गृह विभागाचा ना हरकत दाखला व महानगरपालिकेची परवानगी घेणे बंधनकारक असते. परंतु सदर नियमांची पायमल्ली करत आजही राजरोसपणे या ठिकाणी संबंधित धार्मिक स्थळांचे काम जोमात सुरू आहे. पुणे महापालिका स्तरावर यावर कारवाई करण्याची अपेक्षा असताना फक्त ‘कागदी घोडे’ नाचवण्याचाच बांधकाम नियंत्रण विभागाला जास्त छंद असल्याचे प्रकर्षाने जाणवते.

या धार्मिकस्थळांच्या ठिकाणी बहुसंखेने अनोळखी लोक येत असतात. पहाटेपासून रात्री उशीरापर्यंत नमाजपठणाचे मोठ-मोठे आवाज येतात. धार्मिकस्थळाची जागा चारही बाजूंनी पॅक करून घेतली आहे. या भागात ९८ टक्के हिंदू लोकवस्ती असताना अशा धार्मिक स्थळाची गरज काय? एकत्र येणाऱ्या अनोळखी लोकांमध्ये बांग्लादेशी नागरीक असण्याची शक्यता जास्त आहे, महिलांमध्ये व स्थानिक नागरीकांमध्ये असुसरक्षिततेचे वातावरण निर्माण झालेले आहे. धार्मिक शिक्षणाच्या नावाखाली धर्मद्वेष शिकवला गेल्यास भविष्यात देशद्रोही कारवाया होण्याची शक्यताही निर्माण झाली आहे.

राज्यात पुन्हा एकदा राजकीय भूकंप होण्याची शक्यता वर्तवली जात आहे. काँग्रेसचे प्रदेशाध्यक्ष पद न मिळाल्याने नाराज विजय वडेट्टीवार महायुतीत जाणार असल्याच्या चर्चा रंगू लागल्या आहेत. विधानपरिषदेच्या उमेदवारीसह कॅबिनेट मंत्रिपदाची अट विजय वडेट्टीवार यांनी घातली आहे. 11 ते 15 मार्च दरम्यान विजय वडेट्टीवार मोठा निर्णय घेणार असल्याची चर्चा आहे.

विजय वडेट्टीवार अजित पवारांच्या पक्षात जाण्याच्या तयारीत असल्याची माहिती सूत्रांकडून मिळत आहे. धनंजय मुंडे यांना मंत्रिपदावरुन पायउतार व्हावं लागलं आहे. त्यानंतर आता कृषिमंत्री माणिकराव कोकाटे यांच्या मंत्रिपदावर देखील टांगती तलवार आहे. अशावेळी दोन पैकी एक मंत्रिपदाची मागणी विजय वडेट्टीवार यांनी केली आहे .

राष्ट्रवादीत जाण्याची इच्छा नसलेल्या विजय वडेट्टीवारांचे कार्यकर्ते भाजपमध्ये गेले आहेत. विधानमंडळाचे अर्थसंकल्पीय अधिवेशन सुरू असताना विजय वडेट्टीवार यांच्या राष्ट्रवादी प्रवेशाबाबत 11 ते 15 मार्च या दरम्यान घडामोडी घडणार असल्याची दाट शक्यता आहे. ब्रम्हपुरी विधानसभा मतदारसंघात गेली 50 वर्षे काँग्रेससोबत असलेल्या खंद्या कार्यकर्त्यांनी मुंबई येथे प्रदेश भाजप अध्यक्ष चंद्रशेखर बावनकुळे यांच्या उपस्थितीत भाजपामध्ये प्रवेश केला.

या कार्यकर्त्यांसमोर विजय वडेट्टीवार यांनी काही दिवसांपूर्वी अजित पवार यांच्या राष्ट्रवादी काँग्रेसमध्ये प्रवेश करण्याचा प्रस्ताव ठेवला होता, असे आता सूत्रांकडून समोर आले आहे. विजय वडेट्टीवार यांनी राष्ट्रवादी काँग्रेसकडे विधानपरिषदेची उमेदवारी आणि मंत्रिपद मागितले असल्याची माहिती मिळत आहे.

विजय वडेट्टीवार यांनी राष्ट्रवादी काँग्रेस पक्षात प्रवेश केला तर त्यांना आमदारकीचा राजीनामा द्यावा लागेल. पुन्हा ब्रम्हपुरी विधानसभा मतदारसंघातून निवडणूक लढवून निवडून यावे लागेल. त्याऐवजी त्यांनी विधानपरिषदेच्या वाटेने विधिमंडळात जाण्याचे ठरवले असल्याचं कळतंय. महाराष्ट्र विधानपरिषदेच्या पाच जागांसाठी याच महिन्यात पोटनिवडणूक होत आहे. तेव्हा विधानपरिषद व मंत्रिपद द्या, अशी मागणी वडेट्टीवार यांनी केल्याचे समोर येत आहे.

मात्र अजित पवारांच्या राष्ट्रवादीत जाण्याची मुळीच इच्छा नसलेल्या ब्रह्मपुरी विधानसभेतील गौरव अशोक भैय्याजी, नगरपरिषद माजी गटनेते विलास विखार, माजी नगर परिषद उपाध्यक्ष डॉ. सतीश कावळे, पंचायत समितीचे माजी सभापती नामदेव लांजेवार, सुरेश दर्वे यांसह अनेकांनी मंगळवारी मुंबईत भाजपात प्रवेश केला आणि या पक्ष प्रवेशामुळे काँग्रेस पक्षाला ब्रम्हपुरी विधानसभा मतदारसंघात खिंडार पडले.

पुणे महापालिकेच्या अर्थसंकल्पात राजकीय पदाधिकाऱ्यांसाठी किती निधी दिला याची उत्सुकता निर्माण झालेली असताना आता सत्ताधारी भाजपमधील नाराजी समोर आली आहे. माजी नगरसेवकांच्या प्रभागात कामांसाठी निधी मिळावा यासाठी ज्यांना समन्वयक म्हणून नेमले होते, त्यांनीच सर्वाधिक निधी स्वतःच्या भागात वळविल्याची चर्चा रंगली आहे. महापालिकेवर प्रशासक असल्याने आयुक्त डॉ. राजेंद्र भोसले यांनी १२ हजार ६१८ कोटी रुपयांचा अर्थसंकल्प सादर केला. यावेळी आयुक्तांनी माझ्याकडे ३० हजार कोटी रुपयांच्या कामाची मागणी राजकीय पदाधिकाऱ्यांकडून केली, पण ज्या मागण्या योग्य होत्या, त्यांचाच समावेश अर्थसंकल्पात केल्याचे स्पष्ट केले.

या अर्थसंकल्पात सत्ताधारी पक्षाच्या माजी नगरसेवकांना, आमदारांना निधी देण्यात आला आहे. तसेच विरोधीपक्षातील प्रमुख माजी नगरसेवकांच्याही पदरात निधी पडलेला आहे. भाजपच्या माजी नगरसेवकांनी निधी मिळावा यासाठी दोन पदाधिकाऱ्यांवर जबाबदारी टाकण्यात आली होती. गेल्या पंचवर्षीकमध्ये या दोन पदाधिकाऱ्यांनी महापालिकेत महत्त्वाची पदे भूषविली आहेत.

आयुक्तांकडून अर्थसंकल्प तयार करताना या दोन समन्वयकांकडे कामाच्या याद्या द्याव्यात अशी सूचना पक्षाच्या नेत्यांनी केली होती. त्यानुसार माजी नगरसेवकांनी याद्या दिल्या. या प्रत्येकाला ५ ते १० कोटीचा निधी मिळेल अशी अपेक्षा होती. पण प्रत्यक्षात काही जणांनाच भरपूर निधी मिळाला आहेत, तर अनेकांना एक कोटीपेक्षा कमी निधी मिळाला आहे.

या समन्वयकापैकी एकाला सुमारे ३२ कोटी रुपये तर दुसऱ्याला २४ कोटी रुपयांचा निधी मिळाला आहे. संघटनेतील एका प्रमुख पदाधिकाऱ्याच्या मतदारसंघात २० कोटी पेक्षा जास्त निधी दिला गेला आहे.

कोथरूड, पुणे कॅन्टोन्मेंट, कसबा आणि पर्वती मतदारसंघातील वजनदार माजी नगरसेवकांनी सुमारे १० कोटी रुपयांपर्यंत त्याच्या कामांचा अर्थसंकल्पात समावेश करून घेतला आहे. पण ज्या नगरसेवकांनी समन्वयकांकडे याद्या दिल्या, त्यानंतर ते पाठपुराव्यात कमी पडले अशांना खूप कमी निधी मिळाला आहे, अशी माहिती भाजपच्या माजी नगरसेवकांनी दिली.

राज्यात गुईलेन बॅरे सिंड्रोम (जीबीएस) – पुणे महानगरपालिकेला सक्त सूचना जीबीएस निर्बंध करिता तातडीच्या उपाययोजना करण्याचे आदेश दिले आहेत.‌ राज्यात गुईलेन बॅरे सिंड्रोम (जीबीएस) या आजाराचे रुग्ण वाढत असल्याचे निदर्शनास आले आहे. राज्यात फेब्रुवारी २०२५ अखेर संशयित रुग्णांची संख्या २०० पेक्षा अधिक झाली आहे. पुणे जिल्ह्यात सर्वाधिक रुग्ण आढळून आले आहेत. विशेषतः खडकवासला मतदारसंघात मोठ्या प्रमाणावर रुग्ण आढळून आल्यामुळे याबाबत प्रशासनाकडून तत्काळ उपाययोजना करण्यात येत आहेत.

आज महाराष्ट्र विधानसभा अधिवेशनात आमदार भीमराव तापकीर यांनी यासंदर्भात लक्षवेधी सूचना दरम्यान चर्चा उपस्थित केली. त्यांनी खडकवासला मतदारसंघातील पाण्याच्या स्त्रोतांची तपासणी, प्रशासनाची प्रत्यक्ष पाहणी व उपाययोजना यासंबंधी प्रश्न विचारले.

यावर सार्वजनिक आरोग्य व कुटुंब कल्याण मंत्री प्रकाश आबिटकर यांनी उत्तर देताना सांगितले की, खडकवासला मतदारसंघात मोठ्या प्रमाणावर रुग्ण आढळल्याने प्रशासनाने तात्काळ तपासणी मोहीम हाती घेतली. या भागातील पाणीपुरवठा स्रोतांची तपासणी करण्यात आली असता, पुणे महानगरपालिकेकडून पुरवठा होणाऱ्या पाण्यात क्लोरीनेशन प्रक्रियेतील त्रुटी निदर्शनास आल्या. यामुळे पाणीपुरवठा दूषित होऊन रुग्णसंख्या वाढल्याचे स्पष्ट झाले आहे.

मंत्री महोदयांनी स्वतः पुणे महानगरपालिका आयुक्त यांच्या समवेत प्रत्यक्ष पाहणी केली असता, महानगरपालिकेकडून झालेल्या दुर्लक्षामुळे हा प्रकार घडल्याचे निष्पन्न झाले. या संदर्भात पुणे महानगरपालिकेला सक्त सूचना देण्यात आल्या असून, पुढीलप्रमाणे तातडीच्या उपाययोजना करण्याचे निर्देश दिले आहेत.

-सर्व पाणीपुरवठा स्त्रोतांचे नियमित क्लोरीनेशन करून त्यावर देखरेख ठेवणे.

-दूषित पाणीपुरवठा भागातील पाणी नमुन्यांची तातडीने तपासणी करणे.

-संशयित रुग्णांच्या लक्षणांवर त्वरित उपचारासाठी आरोग्य पथके तैनात करणे.

-स्थानिक नागरिकांना सुरक्षित पाणीपुरवठा आणि आरोग्यविषयक मार्गदर्शन देण्यासाठी जनजागृती मोहिमा राबवणे.

राज्य सरकार नागरिकांच्या आरोग्य सुरक्षेसाठी कटिबद्ध असून, या परिस्थितीवर त्वरित नियंत्रण मिळवण्यासाठी सर्व आवश्यक उपाययोजना सुरू आहेत.

बीडमध्ये गुन्हेगारी मोठ्या प्रमाणात वाढत आहे. नुकताच एक व्हिडिओ समोर आला आहे. यामुळे आता चर्चांना उधाण आले आहे. यात एका माणसाला तीन ते चार लोक मारहाण करत आहेत. ही माणसे भाजप आमदार सुरेश धस यांचे कार्यकर्ते असल्याचे बोलले जात आहे.त्यांनी केलेल्या गुंडगिरीच्या घटनेचा व्हिडिओ अंजली दमानिया यांनी ट्विट केला आहे. यानंतर आता पुन्हा खळबळ उडाली आहे.

मिळालेल्या माहितीनुसार, सामाजिक कार्यकर्त्या अजंली दमानिया यांनी एक व्हिडिओ ट्विट केला आहे. यात एका माणसाला मारहाण होत असल्याचे दिसून येत आहे. तीन ते चार लोक त्याला अमानुष मारहाण करत आहेत. हे लोक सुरेश धस यांचे कार्यकर्ते आहेत. तसेच बीडमधील भाजपचे कार्यकर्ते असल्याची माहिती समोर आली आहे. अंजली दमानिया यांनी या घटनेला वाचा फोडली आहे. त्यांनी व्हिडिओ ट्विट करत मुख्यमंत्र्यांना सवाल केला आहे.

अंजली दमानियांनी ट्विट करत म्हटलंय की, बीडच्या शिरूर तालुक्यातील बावी गावातील अमानुष मारहाणीचा हा व्हिडिओ पहा. अद्याप शिरूर पोलीस ठाण्यात गुन्हा दाखल करण्यात आलेला नाही. हे काय आहे काय ? गृहमंत्र्यांनी आणि सुरेश धस यांनी उत्तर द्यावे. हा मारणारा माणूस सुरेश धस यांचा कार्यकर्ता आहे का ? बीडच्या शिरूर तालुक्यात गुंडगिरीचा हा व्हिडीओ पहा… असं त्या म्हणाल्या आहेत.

https://x.com/anjali_damania/status/1897285320149991426?ref_src=twsrc%5Etfw%7Ctwcamp%5Etweetembed%7Ctwterm%5E1897285320149991426%7Ctwgr%5Efd817a499ac3d501cd3e8b1161e5bea9371dbea1%7Ctwcon%5Es1_c10&ref_url=https%3A%2F%2Fapi-news.dailyhunt.in%2F

अंजली दमानिया यांनी हा व्हिडिओ ट्विट करून मुख्यमंत्री देवेंद्र फडणवीस आणि भाजप आमदार सुरेश धस यांना सवाल विचारला आहे. बीडच्या शिरूर तालुक्यातील बावी गावातील हा व्हिडिओ आहे. आता या प्रकरणी वातावरण तापण्याची चिन्हे दिसत आहे.

चॅम्पियन्स ट्रॉफी 2025 स्पर्धा ही रोहित शर्माच्या वनडे क्रिकेट कारकिर्दीतील शेवटची स्पर्धा असल्याची चर्चा गेल्या काही दिवसांपासून रंगली आहे. चॅम्पियन्स ट्रॉफीत रोहित शर्माच्या नेतृत्त्वात टीम इंडियाने चांगली कामगिरी केली. साखळी फेरीत एकही सामना न गमावता उपांत्य फेरीत मजल मारली. तर उपांत्य फेरीत ऑस्ट्रेलियाचा 4 गडी राखून पराभव केला. ऑस्ट्रेलियाने 50 षटकात विजयासाठी 265 धावांचं आव्हान ठेवलं होतं. हे आव्हान भारताने 4 गडी आणि 11 चेंडू राखून गाठला. या सामन्यात रोहित शर्माने 28 धावांची खेळी केली. रोहित शर्माकडून अंतिम फेरीत चांगल्या खेळीची अपेक्षा आहे. रोहित शर्मा आता 38 वर्षांचा आहे. टी20 फॉर्मेटमधून त्याने वर्ल्डकप विजयानंतर निवृत्त झाल्याचं जाहीर केलं होतं. त्यामुळे चॅम्पियन्स ट्रॉफी त्याच्या वनडे क्रिकेट कारकि‍र्दीची शेवटची स्पर्धा असेल अशी चर्चा आहे. रोहित शर्माने याबाबत काही स्पष्ट केलं नाही. पण बीसीसीआय रोहित शर्माला पुढे संधी देईल की नाही याबाबत शंका आहे. कारण यानंतर वनडे फॉर्मेटमध्ये 2027 मध्ये वर्ल्डकप होणार आहे. यासाठी नव्याने टीम बांधण्याचं बीसीसीआयसमोर आव्हान आहे. त्यामुळे रोहित शर्मा वनडे वर्ल्डकप 2027 स्पर्धेत खेळणं कठीण आहे.

रोहित शर्मा त्याचा वनडे क्रिकेट कारकिर्दितील शेवटचा सामना खेळेल असंच म्हणावं लागेल. अंतिम सामन्यात न्यूझीलंड किंवा दक्षिण अफ्रिकेशी लढत होणार आहे. त्यानंतर पुढे दोन महिने आयपीएलचा थरार रंगणार आहे. त्यानंतर भारतीय संघ इंग्लंड दौऱ्यावर कसोटी मालिकेसाठी जाणार आहे. या दौऱ्यात रोहित शर्माकडे कर्णधारपद असण्याची शक्यता खूपच कमी आहे. कसोटी क्रिकेटचं कर्णधारपद जसप्रीत बुमराहकडे जाईल अशीही क्रीडावर्तुळात चर्चा आहे. दुसरीकडे, वनडे क्रिकेटचं यानंतर कोणतंच शेड्युल दिसत नाही. त्यामुळे रोहित शर्मा त्याच्या वनडे क्रिकेट कारकि‍र्दीचा शेवटचा सामना खेळला असं बोललं जात आहे.

रोहित शर्माच्या नेतृत्वात टीम इंडियाने वनडे क्रिकेटमध्ये दोन आशिया कप जिंकले आहेत. वनडे वर्ल्डकप 2023 विजयाच्या वेशीवर संघ होता. पण अंतिम फेरीत टीम इंडियाला ऑस्ट्रेलियाकडून पराभूत व्हावं लागलं. चॅम्पियन्स ट्रॉफीच्या उपांत्य फेरीपर्यंत रोहित शर्माने 55 सामन्यात नेतृत्व केलं आहे. यात 41 सामन्यात विजय मिळवला आहे. रोहित शर्माच्या नेतृत्वात टीम इंडियाची विजयी टक्केवारी ही 74.07 इतकी आहे.