राजकीय वर्तुळातून मोठी बातमी समोर येत आहे. आज राष्ट्रवादी शरद पवार गटाचे अध्यक्ष शरद पवार यांच्या उपस्थितीमध्ये सिल्व्हर ओकवर महत्त्वाची बैठक पार पडली आहे. सोमेश्वर साखर कारखाना निवडणुकीच्या पार्श्वभूमीवर ही बैठक पार पडली आहे. या बैठकीला राष्ट्रवादी शरद पवार गटाच्या नेत्या आणि खासदार सुप्रिया सुळे तसेच राष्ट्रवादी अजित पवार गटाचे नेते पार्थ पवार आणि जय पवार देखील उपस्थित होते, तसेच युगेंद्र पवार हे देखील या बैठकीला हजर होते. सोमेश्वर साखर कारखाण्याची निवडणूक ही बिनविरोध व्हावी अशी शरद पवार यांची भूमिक आहे. त्यासाठीच या बैठकीचं आयोजन करण्यात आलं होतं.
श्री सोमेश्वर सहकारी साखर कारखान्याची पंचवार्षिक निवडणूक बिनविरोध करण्यासाठी राष्ट्रवादी काँग्रेसचे ज्येष्ठ नेते शरद पवार यांनी पुढाकार घेतला आहे. यासंदर्भात मुंबईतील ‘सिल्व्हर ओक’ निवासस्थानी पवार कुटुंबीयांची बैठक झाली.त्यामुळे कारखाना निवडणुकीच्या निमित्ताने बारामतीतील राजकीय घडामोडींना वेग आला आहे. या बैठकीला खासदार सुप्रिया सुळे, खासदार पार्थ पवार, जय पवार आणि युगेंद्र पवार उपस्थित होते. सोमेश्वर कारखान्याची निवडणूक बिनविरोध व्हावी, अशी भूमिका शरद पवार यांनी मांडल्याची माहिती आहे.
सध्या कारखान्यावर राष्ट्रवादी काँग्रेसचे संचालक मंडळ आहे. मात्र, बदललेल्या राजकीय समीकरणांच्या पार्श्वभूमीवर दोन्ही गटांकडून स्वतंत्र पॅनेलच्या तयारीला सुरुवात झाली होती. युगेंद्र पवार यांच्या नेतृत्वाखाली इच्छुकांच्या मुलाखती घेण्यात आल्या आहेत. दुसरीकडे सुनेत्रा पवार यांच्या नेतृत्वाखालीही उमेदवारांच्या गाठीभेटी सुरू आहेत. भाजप आणि एकनाथ शिंदे यांच्या नेतृत्वाखालील शिवसेनेकडूनही स्वतंत्र पॅनेल उभे करण्याची तयारी सुरू आहे. कारखान्याच्या २१ जागांसाठी तब्बल ५१४ उमेदवारी अर्ज दाखल झाले आहेत. अर्ज मागे घेण्याची अंतिम मुदत ३० सप्टेंबर २०२६ आहे. त्यामुळे शरद पवार यांच्या मध्यस्थीनंतर किती उमेदवार माघार घेतात आणि निवडणूक बिनविरोध होते का, याकडे लक्ष लागले आहे.
या निवडणुकीच्या निमित्ताने पुन्हा एकदा पवार विरोधात -पवार असा असा सामना दिसून येत आहे. सोमेश्वर साखर कारखाना निवडणुकीसाठी युगेंद्र पवार यांच्या नेतृत्वात राष्ट्रवादी शरद पवार गटाचं पॅनल तर उपमुख्यमंत्री सुनेत्रा पवार यांच्या नेतृत्वात राष्ट्रवादी अजित पवार गटाचं पॅनल आमने-सामने आहे. तर दुसरीकडे भाजप आणि शिवसेना शिंदे गटाकडून देखील ही निवडणूक लढवण्याची तयारी सुरू आहे. मात्र ही निवडणूक बिनविरोध व्हावी अशी भूमिका शरद पवार यांची आहे. या पार्श्वभूमीवर आज शरद पवार यांच्या उपस्थितीमध्ये सिल्व्हर ओकवर महत्त्वाची बैठक पार पडली आहे. या बैठकीला खासदार सुप्रिया सुळे, युगेंद्र पवार, पार्थ पवार आणि जय पवार हे देखील उपस्थित होते.
