पुणे पदवीधर मतदार संघाच्या निवडणुकीसाठी महायुतीकडून इच्छुक असलेले राष्ट्रवादी काँग्रेस अजित पवार पक्षाचे प्रमुख कार्यकर्ते व कोल्हापूर जिल्हा बँकेचे संचालक प्रताप उर्फ भैय्या माने यांनी बंडाचा पवित्रा घेतला आहे. महायुतीकडुन उमेदवारी न मिळाल्यास अपक्ष उमेदवारी अर्ज भरण्याची तयारी त्यांनी केली असून सोमवारी शेकडो समर्थकांसह ते पुण्यात अर्ज दाखल करणार असल्याचे वृत्त आहे. दरम्यान महायुतीकडून पुणे पदवीधरची जागा भाजपच्या वाट्यास जाणार असल्याची चर्चा सुरु झाल्यानंतर गेली दोन वर्षे निवडणुक लढविण्याची तयारी करत असलेल्या भैय्या मानेंच्या समर्थकांसह राष्ट्रवादी काँग्रेसच्या कार्यकर्त्यांमध्ये अस्वस्थता पसरली आहे.
शनीवारी सकाळी माने यांच्या अंबिका सदन निवासस्थानी कार्यकर्त्यांनी गर्दी करीत नाराजी व्यक्त केली. कोणत्याही परिस्थितीत निवडणूक लढविण्याचा आग्रह केला. या पार्श्वभूमीवर राष्ट्रवादीचे नेते वैद्यकीय शिक्षण मंत्री हसन मुश्रीफ यांनी सायंकाळी कागलमध्ये कोल्हापूर जिल्ह्यातील राष्ट्रवादीचे प्रमुख नेते व निवडक कार्यकर्ते यांची तातडीने बैठक घेऊन विधान परीषदेच्या जागा वाटपात राज्यपातळीवर झालेल्या घडामोडींची माहिती दिली. या बैठकीस माजी आमदार के. पी पाटील, राजेश पाटील , भैय्या माने, जिल्हाध्यक्ष बाबासाहेब पाटील, नवीद मुश्रीफ, राहुल पाटील , युवराज पाटील ,आदील फरास, रणवीर गायकवाड, अमरसिंह माने प्रकाश गाडेकर, शशिकांत खोत आदी मान्यवर उपस्थित होते.
बैठकीत चर्चा कागलमध्ये झालेल्या बैठकीत महायुतीचे तिकीट मिळणार नसेल तर बंडखोरी करा. वरीष्ठ नेत्यांना मतदार नोंदणीची आकडेवारी सादर करा. अपक्ष लढुयां किंवा उपमुख्यमंत्री सुनेत्राताई पवार यांना सांगुन पुणे पदवीधरमध्ये महायुतीत मैत्रीपूर्ण लढत करुया. अशा सुचना व मागण्या मंत्री मुश्रीफ यांच्याकडे केल्या. मंत्री मुश्रीफ यांनी महायुतीकडुन उमेदवारी मिळण्यासाठी आजुन आपण प्रयत्न सोडले नसल्याचे सांगून तुमच्या भावना मुख्यमंत्री देवेंद्र फडणवीस ,उपमुख्यमंत्री सुनेत्राताई पवार यांना सांगतो. महायुतीसोडुन आपल्याला काही करता येणार नाही असे सांगितल्याचे वृत्त आहे.
