भारती विद्यापीठाचे यशवंतराव मोहिते महाविद्यालयाचे 1978 ते 1983 मधील विद्यार्थ्यांचा स्नेह मेळावा नुकताच भुकूम येथील श्री चंद्रकांत भरेकर व विठ्ठल भरेकर यांच्या तन मन आयुर्वेदिक रिसॉर्ट फार्म हाऊसवर अतिशय उत्साहात आनंदात संपन्न झाला. मुंबई, सांगली, सातारा, करमाळा, मांडवगण फराटा, पुणे, नवी मुंबई, वरळी, जामखेड व पुणे जिल्ह्याच्या व शहराच्या विविध भागातून सर्व विद्यार्थी मित्र या कार्यक्रमासाठी वेळात वेळ काढून उपस्थित राहिले होते.

प्रत्येकाने आपली ओळख व कॉलेज नंतरचा आपला जीवनपट आपल्या भाषणातून नमूद केला, या विद्यार्थ्यांमधून अनेक जण विविध पदावर काम करून रिटायर सुद्धा झाले, कुणी सामाजिक कार्यात कोणी राजकारणात, कोणी पोलीस खात्यात, कोणी महसूल खात्यात कोणी, खाजगी व्यवसायात आपापले योगदान देऊन आपला जीवनपट आपल्या भाषणातून मांडण्याचा प्रयत्न केला, अतिशय सुंदर उत्साहवर्धक आणि नवचैतन्य निर्माण करणारा असा हा मेळावा आयुष्यभर सर्वांच्या स्मरणात राहील अशा पद्धतीने संपन्न झाला या मेळाव्यासाठी गुरुवर्य प्रा.तागड सर, गुरुवर्य प्रा. शिकलगार सर व गुरुवर्य प्रा.धांडे सर या स्नेह मेळाव्यासाठी उपस्थित होते, सर्व प्राध्यापकांनी सुद्धा याप्रसंगी अतिशय सुंदर असं मार्गदर्शन केलं, या मेळाव्याच्या प्रसंगी नुकतीच CEDARBROOK UNIVERCITY USA यांच्यावतीने आनंद तांबे यांना डॉक्टरेट पदवी मिळाल्याबद्दल त्यांचा सुद्धा सत्कार गुरुवर्य प्रा. तागड सर व सर्व विद्यार्थी मित्रांच्या वतीने करण्यात आला, त्याचप्रमाणे आपल्या कारकीर्दीत उत्तम कामगिरी बजावल्याबद्दल मांडवगण फराटा येथील विविध सहकारी संस्थेचे अध्यक्ष आबा उर्फ महादेव फराटे यांचा सुद्धा सत्कार या प्रसंगी करण्यात आला त्याचप्रमाणे पोलीस खात्यात उत्तम कामगिरी बजावल्याबद्दल माजी वरिष्ठ पोलीस निरीक्षक सुरेश मिरघे व माजी वरिष्ठ पोलीस निरीक्षक विनय बगाडे , उप पोलीस निरीक्षक जयसिंग कदम यांचाही सत्कार या प्रसंगी करण्यात आला या स्नेह मेळाव्यासाठी यशवंतराव मोहिते कॉलेजच्या 1983 च्या बँच चे ग्रॅज्युएट पास झालेल्या विद्यार्थ्यांपैकी 31 विद्यार्थी या स्नेहसंमेलनासाठी दिवसभरासाठी उपस्थित होते सर्वांनी एकमेकाची ओळख करून घेत आपापल्या आयुष्यात केलेल्या कामगिरीची माहिती आपापल्या भाषणात दिली, चहा नाश्ता ,जेवण, नाच गाणे, दंगामस्ती, फुल एन्जॉय दिवसभर सर्वांनीच केला. या स्नेह मेळाव्यासाठी विशेष परिश्रम घेतलेले विठ्ठल भरेकर यांचा पुष्पगुच्छ देऊन विशेष सन्मान करण्यात आला. त्याचप्रमाणे प्रदीप भोईटे, बंडू हरपुडे ,दत्ता गांधी, सुरेश मिरगे, कैलास ढमाले तसेच या स्नेह मेळाव्याची संकल्पना मांडणारे पांडुरंग निकम यांचेही या प्रसंगी आभार मानण्यात आले, अतिशय उत्साहात आनंदात आणि भूतकाळातील आठवणींना उजाळा देत भविष्यकाळात पुन्हा पुन्हा भेटण्याचा एकमेकांना शब्द व आश्वासन देत कार्यक्रमाची सांगता झाली, पुढील स्नेह मेळावा माजी वरिष्ठ पोलीस निरीक्षक सुरेश मिरगे यांच्या फार्म हाऊस वर संपन्न होईल असे स्वतः सुरेश मिरगे यांनी याप्रसंगी सांगितले.

मुळात गुन्हेगारी प्रवृत्तीचे विचार आणि आचरण असल्याने बनावट कागदपत्राची जुळवा जुळव करून कर्वेनगर भालेकर वस्ती मधील सर्व्हे नं. 14 मध्ये जागा मालकाने शासकीय मोबदला आणि एफएसआय असा दुहेरी मलाई कमावण्याचा कार्यक्रम यशस्वी केलेला असतानाच पुन्हा जुन्या विकसकाकडे ‘खंडणी’ मागणाऱ्या जागा मालकांच्या विरोधात पुणे न्यायालयाने फौजदारी गुन्हे दाखल करण्याचे आदेश दिले आहेत. पानशेत धरणफुटी नंतर पुणे शहरालगतच्या गावांमधील पुनर्वसन वसाहतीला पानवठ्याचा रस्ता म्हणून कर्वेनगर सर्व्हे क्र.१४ मध्ये शासकीय रस्ता(४० फुटी) आरक्षित करण्यात आला होता; या जागेचा शासनाकडुन मोबदला स्विकारलेला असतानाही उर्वरित जागा विकसित करताना पुन्हा त्याच जागेचा इमारतीमध्ये FSI घेऊन शासकीय यंत्रणेची फसवणूक करण्यात आली आहे. कागदपत्रांची फेरफार करून शासकीय नियमांची ‘पायमल्ली’ करत दुहेरी ‘मलाई’ लाटणाऱ्या या जागा मालकांच्या विरोधात न्यायालयात दाद मागण्यात आल्यानंतर संबंधित जागा मालकांवर गुन्हे दाखल करण्याचे आदेश देण्यात आले आहेत.

वडिलोपार्जित जमिनी स्वतः भागीदारी असलेल्या संस्थेकडे विकसित करण्यास देण्यास देऊन अन्य भागीदारी सभासदांची ही फसवणूक केली असल्याचे सुनावणीदरम्यान निष्पन्न झाले. वडिलोपार्जित मिळकती विकसित झाल्यानंतर संबंधित भागीदारी व्यवसायातून कायदेशिर निवृत्ती घेऊन सर्व हक्क संपुष्टात आल्यानंतरही तब्बल 14 वर्षांनी खोट्या व बनावट तक्रारी करून त्या मागे घेण्यासाठी ‘खंडणी’ मागणे, धमकावणे यासह न्यायालय, पोलीस यंत्रणा, महसूल विभाग आणि ‘महारेरा’कडे खोट्या व बनावट तक्रारी करून खोट्या नोटीसा, ब्लॅकमेलिंग इ. गुन्हेगारी कृत्याच्या अनुषंगाने आरोपी गोरख नारायण भालेकर, राजेंद्र नारायण भालेकर, सौ. रेशमा गोरख भालेकर (सर्व रा. जकात नाका, कर्वेनगर, पुणे) कुणाल सुनिल सरवदे (रा. बहुली, पुणे) शशिकांत राघू सरवदे रा. बहुली पुणे), रफीक जमादार (रा. वारजे पुणे) या ६ जणांच्या विरोधात भारतीय न्याय संहिता, २०२३च्या कलम २२७, २२८, २३६, २४६, ३०६(२), ३१८(३), ३५१(३), आर/डब्ल्यू. कलम ३(५) अंतर्गत दंडनीय गुन्हे केले आहेत. म्हणून, आरोपी क्रमांक १ ते ६ वरील बी.एन.एस.एस. च्या कलम २२७ नुसार पुणे न्यायदंडाधिकारी, प्रथमवर्ग यांनी गुन्हा दाखल करण्याचे आदेश दिले.

या प्रकरणी भूसंपादित जागेबाबत दि. 30/8/2021 रोजी पोलीस आयुक्त व जिल्हाधिकारी यांच्याकडे फिर्यादी श्री. बाळासाहेब बबनराव बराटे (रा. कर्वेनगर, पुणे) यांनी तक्रार अर्ज दिला. त्यावर कोणतीही कारवाई झाली नाही. तसेच फिर्यादी व त्यांचे व्यवसायिक भागीदार, मित्रपरिवार, नातेवाईक यांच्या विरोधात वकिलामार्फत खोट्या नोटीसा पाठवणे, खोटे कोर्ट केसेस या संदर्भात फिर्यादीने अॅड. सचिन ताठे यांच्या मार्फत पुणे येथील न्यायदंडाधिकारी, प्रथमवर्ग यांच्याकडे तक्रारी अर्ज दाखल केला. त्याची दखल घेऊन न्यायालयाने वरील ६जणांवर गुन्हा दाखल करण्याचे आदेश दिले.

महिलांचे जीवन अतिशय खडतर असते. त्यांना घरातील विविध जबाबदाऱ्या पार पाडाव्या लागतात. त्यामुळे अनेकदा त्यांचे तब्येतीकडे दुर्लक्ष होत असते. आनंदी जीवनासाठी प्रत्येक महिलेने योगाभ्यास करणे आवश्यक आहे असे मत यावेळी व्यक्त केले. मानसी उपक्रमामुळे कोथरुड मधील वस्ती भागातील मुलींना योगाभ्यासाची गोडी निर्माण झाली असून, आगामी काळात पुणे शहरात ही हा उपक्रम मोठ्या प्रमाणात राबवू, अशी भावना त्यांनी यावेळी व्यक्त केली.

जागतिक योग दिनाचे औचित्य साधून ना. चंद्रकांतदादा पाटील यांच्या संकल्पनेतून कोथरुड मतदारसंघातील वस्ती भागातील मुलींसाठी सुरु केलेल्या ‘मानसी’ उपक्रमातील मुलींचे एकत्रिकरण महालक्ष्मी लॉन्स येथे करण्यात आले होते. जवळपास एक हजार पेक्षा जास्त मुलींनी या कार्यक्रमात सहभागी होऊन योग प्रात्यक्षिके सादर केली.

यावेळी माजी नगरसेविका मोनिका वहिनी मोहोळ, उद्योजिका स्मिता पाटील, भाजपा दक्षिण मंडल अध्यक्ष कुलदीप सावळेकर, माजी अध्यक्ष डॉ संदीप बुटाला, योग गुरू मुग्धा भागवत, माजी नगरसेविका छाया मारणे यांच्या सह इतर मान्यवर उपस्थित होते.

ना. पाटील म्हणाले की, आजच्या आधुनिक युगात महिला कोणत्याही क्षेत्रात कमी नाहीत. स्त्रित्वाने मासिक पाळी, प्रसूती वेदना, अशा विविध आव्हानांवर मात करत, त्या कुटुंबातील विविध जबाबदाऱ्या पार पाडून, आपापल्या क्षेत्रात नावलौकिक कमावत आहेत. ह्या सर्वांमध्ये अनेकदा त्यांचे स्वतःच्या आरोग्याकडे दुर्लक्ष होते. त्यामुळे यातून त्यांना गंभीर आजारांचा सामना करावा लागतो. अशा काळात योगाभ्यास हे त्यांच्यासाठी अतिशय आवश्यक आहे, अशी भावना त्यांनी यावेळी व्यक्त केली.

दरम्यान, या कार्यक्रमाअंतर्गत मानसी उपक्रमातील १००० मुलींनी योगाची प्रात्यक्षिके सादर केली. तसेच, काही महिलांनीही पारंपरिक वेशभूषेत योगाची प्रात्यक्षिके सादर केली.

‘……कोथरूड!’ म्हटलं की एक वेगळीच कल्पना सर्वांचे मनात येते मग ती राजकीय असू द्या किंवा सामाजिक सांस्कृतिक आणि शैक्षणिक! पुणे शहराचे राजकीय केंद्र म्हणून आज कोथरूडचा उदय होत असताना या भागातील नेतृत्वही तेवढे जिव्हाळ्याचं स्नेहाचा आणि समाजसेवी वारश्याच बनतय! वरकरणी पाहता उच्च-भ्रु सोसायटीचा भाग म्हणून कोथरूडची ओळख असली तरी कोथरूडच्या नसानसात कष्टकरी आणि राबणारे हातांचे जीर्ण वास्तव्य नाकारता येत नाही आणि याच जाज्वल सत्याचा हक्काचा आधार आणि जिव्हाळ्याची नाळ म्हटलं की एक नाव पुढे येते ते म्हणजे रामचंद्र उर्फ चंदूशेठ कदम! पुणे महापालिकेचे सभासद म्हणून ‘हॅट्रिक’ साजरी करणाऱ्या या नेतृत्वाने भक्कम हाताने फक्त समाजसेवी वारसा जतन केला आहे. म्हणूनच आज प्रभागाची अनोखी नाळ रामराज्य विचाराचे आणि चंद्रछायेची शितलता देणारे भक्कम समाजसेवी वारशाचे ‘हात’ म्हणून अँड. चंदूशेठ कदम यांच्याकडेच पाहिले जाते. अशा या अवलिया व्यक्तिमत्वास वाढदिवसाच्या हार्दिक शुभेच्छा!

कोथरूड भागामध्ये माजी नगरसेवक कै. सुबराव कदम यांनी काँग्रेस विचाराची जी स्नेहवेल लावली होती त्या विचारांची जपणूक करत काँग्रेस विचाराचे जतन करून कठीण परिस्थितीमध्ये याच विचाराची वाढ करण्यासाठी अहोरात्र जनसेवेच्या व्रतामध्ये गुंतलेले हात म्हणून रामचंद्र कदम यांच्याकडे पाहिले जाते. कितीही कठीण परिस्थिती असली तरी सुद्धा कार्यकर्त्यांवर चंद्रछाया निर्माण करणे आणि जनसामान्यांच्या चेहऱ्यावर हास्य फुलवण्यासाठी रामराज्य संकल्पनेचे जनजीवन बनवण्यासाठी काँग्रेस विचारांची जोड घेऊन प्रभाग 11 मधील सुतारदरा किष्किंधानगर जयभवानीनगर म्हातोबानगर व केळेवाडी या वस्ती विभागातील नागरिकांसाठी विभिन्न योजना आणि या भागातील मुलींचे आणि तरुणांचे प्रश्न शैक्षणिक समस्या आणि महिलांच्या सर्वांगीण विकासासाठी काँग्रेस विचारांच्या जीवावर काम करत नगरसेवक आणि नागरिक यांची वेगळीच नाळ निर्माण झाली आहे. राजकीय दृष्ट्या सर्वच पक्षांनी या भागावर आपली पकड मिळवण्यासाठी आज अतोनात प्रयत्न केले आहेत, करत आहेत…. तरीही नागरिक आणि लोकप्रतिनिधींची अनोखी नाळ आजवर वृद्धिंगतच होत जाणे हे चंदूशेठ कदम यांच्या कार्याची पावती मानावी लागेल.

लोकसभा विधानसभा आणि महानगरपालिका निवडणूक कोणतीही असो ‘हॅट्रिक’ नगरसेवक महाराष्ट्र प्रदेश काँग्रेसचे सदस्य रामचंद्र उर्फ चंदुशेठ कदम यांचा दृढसंकल्प काँग्रेस पक्षाचे विचार आणि प्रचार करण्यासाठी कायमच फायद्याचे झाले असून कोथरूड विधानसभा मतदारसंघात लोकसभा निवडणुकीच्या वेळी अत्यंत कठीण परिस्थितीत चंदुशेठ कदम यांनी विरोधी पक्षातून प्रबळ स्थानिक उमेदवार असतानाही उत्साहवर्धक आणि समाधानकारक वातावरण बनवण्यात यश मिळवलं होतं. पुणे महापालिका काँग्रेस नगरसेवक म्हणून गेली 15 वर्षे नागरिकांच्या दैनंदिन गरजांसाठी काम करत आहेत. प्रभाग ११मध्ये एक आश्वासक चेहरा आज ॲड. चंदूशेठ कदम यांच्याकडे पाहिले जात असून वस्ती विभागात आजवर केलेली कामे हीच त्यांची जमेची ठरणार आहे.

सध्या राजकीय विरोधकांकडून हाच अभेद गड भेदण्यासाठी जंग जंग पछाडले जात असले तरीसुद्धा 2 दशकांची घट्ट विणलेली ही नाळ जराही क्षीण न होणे ही खरी विचारांची आणि स्नेहबंधाची ताकद आहे. यंदाची लढाई सर्वात बिकट असे चित्र निर्माण केले जात असले तरीसुद्धा भक्कम पुरोगामी विचारांची बांधणी असलेल्या या नेतृत्वाला मात्र आपल्या मतदारांवर प्रचंड प्रचंड विश्वास असून पुन्हा सेवेची संधी मिळण्याचीही खात्री आहे.