राज्याच्या विधानसभा निवडणुकीच्या निकालानंतर उद्धव ठाकरे यांना जोरदार धक्का देण्याचा प्रयत्न एकनाथ शिंदे आणि भाजपकडून करण्यात येत आहे. नितीश कुमार आणि चंद्राबाबू नायडू या दोन नेत्यांच्या भरवशावर उभ्या असलेल्या केंद्र सरकारला मजबूत करण्यासाठी उद्धव ठाकरेंचे खासदार फोडण्यासाठी प्रयत्न सुरू झाल्याची चर्चा सुरू होती. एकनाथ शिंदे यांचे ऑपरेशन टायगर हे ठाकरेंच्या दोन खासदारांमुळे बारगळलं असल्याची माहिती सूत्रांनी दिली आहे. दरम्यान, काही दिवसांपूर्वी ठाकरेंच्या सगळ्या खासदारांनी एकत्र येत पक्षात एकजूट असल्याचे दाखवत पक्षफुटीच्या चर्चा निरर्थक असल्याचा दावा केला होता.

उपमुख्यमंत्री एकनाथ शिंदे यांनी ठाकरे गटाचे खासदार आपल्याकडे खेचण्यासाठी ऑपरेशन टायगर सुरू केले. ऑपरेशन टायगरनुसार, शिंदे गटात ठाकरेंच्या माजी लोकप्रतिनिधींचा पक्षात प्रवेश सुरू होता. तर, दुसरीकडे खासदारही गळाला लावण्याचे प्रयत्न सुरू होते.

ऑपरेशन टायगर का बारगळलं?

दिल्लीतील सूत्रांनी दिलेल्या माहितीनुसार, एकनाथ शिंदे ऑपरेशन टायगर हे उद्धव ठाकरे यांच्या खासदारांसाठी सुरू करण्यात आले होते. शिंदेंच्या जाळ्यात काही खासदारही आले. पण, दोन खासदारांनी नकार दिल्याने हे ऑपरेशन बारगळल्याचे म्हटले जात आहे. शिंदेच्या ऑफरला नकार देणारा खासदार हा उत्तर महाराष्ट्र, मराठवाड्यातील असल्याची कुजबूज सध्या सुरू आहे. उद्धव ठाकरे यांच्याकडे 9 खासदार आहेत. त्यापैकी 6 ते 7 खासदार फोडण्यासाठी प्रयत्न सुरू करण्यात आले. मात्र, एका सूत्राच्या माहितीनुसार 5 खासदार गळादेखील लागले. मात्र, त्यानंतर आलेल्या नकारानंतर हे ऑपरेशन बारगळले असल्याचे समजते.

एकनाथ शिंदे काय करणार?

ऑपरेशन टायगरमध्ये खासदारांचा गट फुटत नसल्याचे समोर आले आहे. त्यामुळे सध्या ही मोहीम योग्य वेळी सुरू करण्यात येणार असल्याचे सूत्रांनी सांगितले. शिवसेनेत दोन वर्षांपूर्वी मोठं ऑपरेशन केले आहे. त्यामुळे तूर्तास या लहान ऑपरेशनसाठी घाई करणार नसल्याचे शिंदे गटातील सूत्रांनी सांगितले. ठाकरेंचे खासदार फुटले असते तर शिंदे गटात अथवा भाजपात त्यांनी प्रवेश केला असता. त्याच्या परिणामी नितीश कुमार आणि चंद्राबाबू नायडू यांच्यावरील अवलंबित्व कमी झाले असते.

महाराष्ट्र राज्य महिला आयोगाच्या अध्यक्षा श्रीमती रूपाली चाकणकर यांच्याविरोधात समाज माध्यमातून आक्षेपार्ह, अश्लील आणि अपमानास्पद पोस्ट केल्याप्रकरणी पोलिसांत तक्रार दाखल करण्यात आली होती. या तक्रीारीनुसार कारवाई करत पोलनिसांनी आता दोन आरोपींना अटक केली आहे. पोलिसांकडून भारतीय दंड संहिता कलम 78, 79, 351(3), 351(4), 61(2) BNS तसेच माहिती तंत्रज्ञान कायद्याच्या 67A अंतर्गत मुंबई सायबर येथे गुन्हा दाखल करण्यात आला आहे.

याप्रकरणी आकाश दिगंबर डाळवे (वय 30, रा. यावळे, ता. मोहोळ, जि. सोलापूर) याला मोहोळ पोलिस ठाण्याच्या हद्दीतून ताब्यात घेण्यात आले . तर अविनाश बापू पुकळे (वय 30, रा. पारे कोकरेवाडी, ता. सांगोला, जि. सोलापूर) याला उरळी कांचन, जि. पुणे येथून बेड्या ठोकण्यात आल्या. दोन्ही आरोपींना आज गिरगाव येथील 18 व्या मेट्रोपॉलिटन कोर्टात हजर करण्यात येणार आहे. या पूर्वी या प्रकरणात एकूण 9 आरोपींना चौकशीसाठी ताब्यात घेण्यात आले असून, अधिक तपास सुरू आहे.

मिळालेल्या माहिती माहितीनुसार, राज्य महिला आयोगाच्या अध्यक्ष असलेल्या रुपाली चाकणकर यांच्या विरोधात फेसबुकवरील “राजकारण महाराष्ट्राचे” या पेजवरून जाणीवपूर्वक आक्षेपार्ह पोस्ट वारंवार करण्यात येत होत्या. या प्रकरणी आयोगाकडून पोलिसांकडे तक्रार करण्यात आली होती. त्यानंतरच पोलिसांनी कारवाई करत अनेकांना चौकशीसाठी ताब्यात घेतले होते. अखेर अविनाश कुळे आणि आकाश डाळवे यांना अटक करण्यात आली. पुढील तपास सुरू आहे.

दिल्लीत २७ वर्षांनी भाजपला पुन्हा एकदा सत्ता मिळाली. आम आदमी पार्टीला धूळ चारत भाजपने विजय मिळवला. यानंतर आता दिल्लीचा मुख्यमंत्री कोण होणार याची चर्चा रंगली आहे. अद्याप भाजपने मुख्यमंत्री कोण होणार हे जाहीर केलेलं नाही. मात्र अमेठीच्या माजी खासदार स्मृती इराणी यांच्या नावाची चर्चा होत आहे. भाजप घराणेशाहीच्या विरोधात असले तरी अनेक राजकीय नेत्यांच्या नातेवाईक आणि अपत्यांना तिकीट दिलं होतं. पण घराणेशाही असलेल्या नेत्याला मुख्यमंत्री केलेलं नाही. त्यामुळे प्रवेश शर्मा यांचे नाव मागे पडत आहे. तर रेखा गुप्ता, शिखा रॉय यांच्याही नावाची चर्चा आहे. मात्र यात रेखा गुप्ता यांचे नाव आघाडीवर आहे. पण दिल्लीत केजरीवाल यांच्या तोडीस तोड असा चेहरा आणि महिला मुख्यमंत्री करायीच असेल तर स्मृती इराणी यांचं नाव चर्चेत येत आहे. राजकीय अनुभव, भाजपचा आक्रमक चेहरा आणि २०३० मध्ये केजरीवालांना पुन्हा चितपट करण्यासाठी स्मृती इराणी याचं नाव पुढे आल्यास आश्चर्य वाटायला नको.

देशातील ज्या राज्यात आणि केंद्रशासित प्रदेशात भाजपची सत्ता आहे तिथं एकही महिला मुख्यमंत्री नाहीय. त्यामुळे किमान एक महिला मुख्यमंत्री असावी असा निर्णय भाजप घेऊ शखते. तसंच अरविंद केजरीवाल तुरुंगातून बाहेर आल्यानंतर त्यांनीही आतिशी यांच्याकडे मुख्यमंत्रीपद सोपवलं होतं. त्यामुळे केजरीवालांच्या त्या खेळीला महिला मुख्यमंत्री देऊन भाजप शह देऊ शकते.

कोण आहेत स्मृती इराणी?

स्मृती इराणी यांनी राजकारणात येण्याआधी हॉटेलपासून अभिनय क्षेत्रापर्यंत वेगवेगळ्या क्षेत्रात काम केलंय. पदवीच्या शिक्षणासाठी प्रवेश घेतला होता, पण शिक्षण पूर्ण केलं नाही. त्यांनी हॉटेलमध्ये वेट्रेस म्हणून काम केलं. वडिलांच्या मदतीने दिल्लीत ब्युटी प्रोडक्टचं मार्केटिंग केलं. याचवेळी त्यांनी मुंबईत मॉडेलिंगमध्ये नशिब अजमावलं.

१९९८ मध्ये स्मृती इराणी यांनी मिस इंडियासाठी मुलाखत दिली आणि त्यांची निवड झाली होती. पण वडिलांनी या स्पर्धेत भाग घेण्यास नकार दिला. मात्र आईने मदत केल्यानं त्या या स्पर्धेत सहभागी झाल्या. स्मृती इराणी स्पर्धेत अंतिम फेरीत पोहोचल्या पण विजेतेपद पटकावता आलं नाही. आईने खर्च केलेले पैसे परत करण्यासाठी स्मृती इराणी यांनी नोकरी शोधायला सुरुवात केली. मॉडेलिंगसाठी ऑडिशन देऊनही नोकरी मिळाली नाही. त्यांनी एका खासगी कंपनीत नोकरी सुरू केली. क्योंकी सास… साठी ऑडिशन दिली पण त्यात निवड झाली नाही. त्यानंतर २०००-२००८ पर्यंत प्रसिद्ध टीव्ही मालिका क्योंकी सास भी कभी बहू थी या मालिकेत तुलसी हे पात्र साकारण्याची संधी मिळाली. यातून स्मृती इराणी यांनी स्वत:ची वेगळी ओळख निर्माण केली.

स्मृती इराणी यांनी २००१ मध्ये पारसी आंत्रप्र्योन्योर जुबीन इराणींसोबत लग्न केलं. त्यांना एक मुलगा आणि मुलगी आहे. तर जुबीन यांचं पहिलं लग्न झालं होतं. त्यांच्या पहिल्या पत्नीचीही एक मुलगी आहे. स्मृती इराणी यांचे आजोबा राष्ट्रीय स्वयंसेवक संघात होते. त्यामुळे लहानपणीच स्मृती इराणींही संघाच्या विचारात वाढल्या. त्यांची आईसुद्धा जनसंघाचं काम करायच्या.

२००३ मध्ये स्मृती इराणी यांनी भाजप प्रवेश केला. तर २००४ मध्ये महाराष्ट्र यूथ विंगच्या व्हाइस प्रेसिडंट बनल्या. २००४ मध्ये दिल्लीच्या चांदणी चौक मतदारसंघातून त्यांना काँग्रेस नेते कपिल सिब्बल यांच्याकडून पराभवाचा धक्का बसला होता. २०१० मध्ये स्मृती इराणी भाजपच्या राष्ट्रीय सचिव आणि महिला विभागाच्या अध्यक्ष बनल्या. २०१४ मध्ये उत्तर प्रदेशातील अमेठी मतदारसंघातून राहुल गांधींविरोधात त्या लोकसभा निवडणूक लढल्या. पराभवानंतरही त्यांना मोदी सरकारने केंद्रीय मंत्री बनवलं. २०२४ च्या निवडणुकीत स्मृती इराणी यांना काँग्रेसच्या केएल शर्मा यांनी पराभूत केलं.

नवी दिल्लीमधील ‘महादजी शिंदे राष्ट्र गौरव’ पुरस्कार सोहळ्यावरुन महाराष्ट्रातील राजकारण तापल्याचं चित्र पाहायला मिळत आहे. उपमुख्यमंत्री एकनाथ शिंदेंना हा पुरस्कार राष्ट्रवादी काँग्रेसचे संस्थापक शरद पवारांच्या हस्ते प्रदान करण्यात आल्यानंतर यावरुन उद्धव ठाकरेंच्या शिवसेनेनं आक्षेप नोंदवला आहे. ठाकरेंच्या पक्षाचे प्रवक्ते तसेच राज्यसभा खासदार संजय राऊत यांनी थेट शरद पवारांवर यावरुन निशाणा साधला आहे. पवारांनी या कार्यक्रमाला नव्हतं जायचा पाहिजे. त्यांच्या हस्ते आम्ही ज्यांना महाराष्ट्राचे शत्रू म्हणातो अशांचा सत्कार होणं दुर्देवी असल्याची टीका राऊतांनी केली. एकनाथ शिंदेंची शिवसेनेबरोबरच शरद पवारांच्या राष्ट्रवादी काँग्रेसनेही यावरुन राऊतांवर निशाणा साधल्याचं दिसत आहे. असं असतानाच राज ठाकरेंच्या महाराष्ट्र नवनिर्माण सेनेनं या वादात उडी घेत उद्धव ठाकरेंच्या सेनेला लक्ष्य केलं आहे.

…तर शरद पवारांनी सत्ता वाचवली असती

शरद पवारांनी एकनाथ शिंदेंचा सत्कार केल्याचा संदर्भ देत मनसेचे नेते संदीप देशपांडेंना प्रश्न विचारण्यात आला. त्यावर त्यांनी, “शरद पवारांनी एकनाथ शिंदेंचा नाही शिंदेंच्या सगळ्याच आमदारांचा सत्कार करायला हवा होता कारण या शिंदेंनी महाराष्ट्राची निष्क्रीय मुख्यमंत्र्यांपासून सुटका केली. शरद पवारांनाही ठाकरेंपासून आणि संजय राऊतांपासून सुटका हवी होती. मनात आणलं असतं तर शरद पवारांनी सत्ता वाचवली असती पण त्यांनी ते केलं नाही,” असं विधान केलं.

ठाकरेंचं मुख्यमंत्रीपद बदललं नसतं तर…

पुढे बोलताना, “शरद पवार कधी स्वत:चं सोडून दुस-याचं नेतृत्व मान्य करणार नाहीत. ठाकरेंपासून सुटकेचे मार्ग पवार शोधत आहेत. ठाकरेंचं मुख्यमंत्रीपद बदललं नसतं तर महाराष्ट्र लॉकडाऊन लॉकडाऊन खेळत बसला असता. आपण महाराष्ट्रात एका निष्क्रीय मुख्यमंत्र्याला बसवलं ही चूक झाली हे आता पवारांना कळलं असावं,” असं म्हणत देशपांडेंनी उद्धव ठाकरेंना टोला लगावला.

भाजपाची राज्यात मोठी लाट आली आहे. विधानसभा निवडणुकीत भाजपाने मोठी मुसंडी मारली. आतापर्यंतचे सर्व रेकॉर्ड मोडीत काढले. महायुतीत भाजपा हा मोठा भाऊ असल्याचे सिद्ध केले. तर आता सदस्य नोंदणीतही भाजपाने नवीन विक्रम केला आहे. भाजपचे राज्यात 1 कोटींहून अधिक सदस्य नोंदणी झाली आहे. स्थानिक स्वराज्य संस्था निवडणुकीपूर्वीच भाजपाने मोठी मोर्चे बांधणी केल्याचे दिसून आले.

हा केवळ आकडा नाही विश्वास

महाराष्ट्र भाजपने निष्ठावंत कार्यकर्त्यांच्या बळावर आणि महाराष्ट्रच्या जनतेच्या आशीर्वादाने 1 कोटी सदस्य नोंदणी पूर्ण केली आहे. 1 कोटी हा केवळ आकडा नसून महाराष्ट्रच्या जनतेचा भाजपा वरील विश्वास आहे, अशी प्रतिक्रिया मुख्यमंत्री देवेंद्र फडणवीस यांनी दिली. त्यांनी नोंदणी अभियान यशस्वी केल्याबद्दल पदाधिकाऱ्यांचे अभिनंदन केले.

आता लवकरच दीड कोटींचा टप्पा

पंतप्रधान नरेंद्र मोदी यांची प्राथमिक सदस्यता नोंदणी करत सदस्यता अभियान सुरु केलं होतं. राज्यात देवेंद्र फडणवीस यांची प्राथमिक सदस्यता नोंदणी करत अभियानाला सुरुवात झाली आहे. भाजपनं दीड कोटी सदस्य संख्या असलेली पार्टीचा संकल्प केला होता. एक कोटी सदस्यांच्या आमचा प्रवास आता पूर्ण झाला. राज्यातले मुख्यमंत्री, मंत्री, सर्वांनी भार घेतला. पुढील काही दिवसात १५ लक्ष सदस्य होतील, असे प्रदेशाध्यक्ष चंद्रशेखर बावनकुळे म्हणाले.

संघटन पर्व राबवणार

पक्ष संघटना, कार्यकर्ते आम्ही काम करत आहोत. पुढील १५ दिवस आम्ही संघटन पर्व राबवणार आहोत. जवळपास १ लाख बूथवर आम्ही १ कोटी २ लाख सदस्य बनवले आहेत. मला अभिमान आहे, १८५६ कार्यकर्त्यांनी १ हजार सदस्य संख्या पूर्ण केली. १७२६ कार्यकर्त्यांनी ५०० सदस्य संख्या केली.या अभियानात युवा, लाडक्या बहिणी, आदिवासी भागात, बौध्द समाजात सर्वच समाजाने सहयोग घेतला आहे. असा कोणताही समाज नाही ज्याने भाजपचं सदस्यता घेतली नाही. मोठ्या प्रमाणात मुस्लिम समाज लोकांनी सहभाग घेतला आहे, अशी माहिती प्रदेशाध्यक्ष चंद्रशेखर बावनकुळे यांनी यावेळी दिली.

नवी दिल्ली येथे आयोजित अखिल भारतीय मराठी साहित्य संमेलनाच्या निमित्तानं आयोजित करण्यात आलेल्या एका सत्कार सोहळ्यात शरद पवार यांनी उपमुख्यमंत्री एकनाथ शिंदे यांचा सत्कार केला होता. शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांनी याबाबत नाराजी व्यक्त केली आहे.

एकनाथ शिंदे यांचा सत्कार शरद पवारांनी केल्यानंतर उद्धव ठाकरे यांनी नाराजी व्यक्त केली आहे. शिवसेना पक्ष फुटीस कारणीभूत असलेल्या एकनाथ शिंदेंचा सत्कार शरद पवार यांनी केल्यानंतर उद्धव ठाकरे शरद पवार यांच्यावर नाराज असल्याची माहिती सूत्रांनी दिली आहे.

संजय राऊत यांनी यावर पक्षाची भूमिका सांगितल्यानंतर शरद पवारांनी एकनाथ शिंदे यांचा केलेल्या सत्कारानंतर पक्ष म्हणून शिवसेना ठाकरे गटाची ही अधिकृत भूमिका आहे.

ठाकरेंचे कट्टर विरोधक असलेल्या एकनाथ शिंदेंचा शरद पवारांनी सत्कार करणे टाळायला हवं होतं, असं मत उद्धव ठाकरेंकडून व्यक्त करण्यात आलं आहे.

मविआचं काय होणार?

शिवसेना उद्धव बाळासाहेब ठाकरे पक्ष कालच्या सत्कार सोहळ्यावरुन नाराज असल्याचं स्पष्ट झालंय. शरद पवार यांच्याकडून एकनाथ शिंदे यांचा सत्कार करणं टाळायला हवं होतं. लोकसभा आणि विधानसभा निवडणुकीत उद्धव ठाकरे आणि महाविकास आघाडीनं महायुतीला ज्या प्रकारे विरोध केला होता त्यानंतर शरद पवारांनी एकनाथ शिंदेंचा सत्कार करणं ठाकरेंच्या शिवसेनेला आणि उद्धव ठाकरेला पटलेलं नाही. उद्धव ठाकरे यांची अधिकृत भूमिका संजय राऊत यांनी पत्रकार परिषदेत मांडली आहे.

शरद पवारांनी एकनाथ शिंदेंचा सत्कार केला त्यानंतर उद्धव ठाकरेंकडून सेनेच्या बड्या नेत्यांसोबत चर्चा सुरु आहे. महाविकास आघाडी म्हणून आगामी तीन प्रमुख पक्षांची भूमिका असेल हे लवकरच कळेल.

उद्धव ठाकरे यांच्या शिवसेनेचे नेते आहेत त्यांनी दिलेल्या माहितीनुसार दिल्लीतील नियोजित कार्यक्रम होता. ठाकरेंच्या शिवसेनेचे प्रमुख विरोधक एकनाथ शिंदे आहेत. त्यांचा सत्कार शरद पवार यांनी केल्यानं राजकीय चर्चा सुरु होतात. यामुळं सत्कार टाळायला हवा होता, असं ठाकरेंच्या सेनेतील नेत्यांचं मत आहे.

संजय राऊत यांची शरद पवार यांच्यावर टीका

खासदार संजय राऊत यांनी आज नवी दिल्लीत पत्रकार परिषद घेत शरद पवारांवर टीका केली होती. एकनाथ शिंदे यांचा सत्कार करणं म्हणजे अमित शाह यांचा सत्कार करण्यासारखं आहे, असं राऊत म्हणाले.

शाम्पू, गीझर, अंघोळीची परिपूर्ण सुविधा, तेही चालत्या बसच्या आत. ऐकून आश्चर्यचकित झालात ना. विशेष म्हणजे ही सुविधा पूर्णपणे मोफत आहे. होय मुंबईच्या रस्त्यावर एक अनोखी बस धावतेय. या विशेष बसचा महिनाभरात मोठ्या संख्येने महिलांनी या सुविधेचा लाभ घेतला आहे. ही बस आहे एक मोबाईल बाथरूम आहे. या मोबाईल बाथरूमचे (Bathroom bus) व्यवस्थापन बी द चेंज नावाची संस्था करत आहे. तीन बहिणी मिळून महिलांना अंघोळीची ही सुविधा देणारी बस चालवतात. यातून त्या महिलांना रोजगार देऊन त्यांना सक्षम बनवण्याचे काम करत आहेत. यामध्ये महाराष्ट्र सरकार आणि बृहन्मुंबई महानगरपालिका (BMC) यांनी सहकार्य केले आहे. महिलांना मोफत शॉवर सेवा खूप आवडत असल्याचा फीडबॅक आहे.

‘या’ मोबाईल बाथरूममध्ये काय काय आहे?

या अत्याधुनिक मोबाईल बाथरूमध्ये पाच मोबाईल फोन चार्जर आणि दोन कपडे सुकवण्याचे ड्रायर आहेत. हँडवॉश, बॉडीवॉश, शाम्पू, टब आणि गीझर या सुविधासुद्धा उपलब्ध आहेत.

मुंबईमधील माघी गणेश उत्सवादरम्यान पीओपीच्या गणेश मूर्तींच्या विसर्जनावरुन वाद निर्माण झालेला असतानाच आता या वादाला राजकीय रंग मिळाला आहे. माजी मुख्यमंत्री उद्धव ठाकरेंच्या पक्षाचे नेते आणि माजी मंत्री आदित्य ठाकरेंनी या मुद्द्यावरुन सरकारवर निशाणा साधल्यानंतर भारतीय जनता पार्टीने ठाकरेंच्या कार्यकाळातील अनेक घटनांचा संदर्भ देत त्यांच्यावर निशाणा साधला आहे.

पिताश्रींनी मुख्यमंत्री असताना…

“श्रीमान आदित्य उद्धव ठाकरे तुम्ही तर ढोंगी आहात,” असं आशिष शेलार यांनी आपल्या पोस्टच्या सुरुवातीला म्हटलं आहे. “आज माघी गणेशोत्सवातील पिओपीच्या गणेश मूर्ती अडचणीत आलायत, त्यावर खूश होऊन तर आदित्य उद्धव ठाकरे तुम्ही बोलत नाही ना?” असा सवाल शेलार यांनी केला आहे. पुढे बोलताना, “कारण यांच्या पिताश्रींनी मुख्यमंत्री असताना शंभर वर्षांहून अधिक मोठी परंपरा असलेला सार्वजनिक गणेशोत्सव मंडळ बंद कसा पडेल याचेच प्रयत्न केले. लालबागच्या राजाची परंपरा तुम्ही खंडित केलीत,” असा घणाघात शेलार यांनी केला आहे. “गणेशोत्सव असो वा दहिहंडी उत्सव ज्या ज्या वेळी अडचणीत सापडला तेव्हा हे कधीच त्याची बाजू मांडायला न्यायालयात गेले नाहीत. आजही जाणार असे सांगत नाहीत. हिंदू देव देवता, मंदिर आणि उत्सव, विशेषतः अयोध्येतील राम मंदिर या सगळ्याचे हे विरोधक आहेत. टीकाकार आहेत,” अशी टीका शेलार यांनी केली आहे.

तुमचा काय अधिकार आहे?

एवढ्यावरच न थांबता, “हनुमान चालीसा म्हणणाऱ्यांचा यांना त्रास होतो. पंढरपूरच्या विठ्ठलाच्या पायाला ज्यांनी हात लावला नाही. जे अजान स्पर्धा भरवतात आणि ज्यांना “भोंग्यांचा आवाज” हल्ली सुमधुर वाटतो आणि गणपतीची आरती हातात घेणे जे टाळतात. ते आता माघी गणेशोत्सवावर बोलतात? तुमचा काय अधिकार आहे?” असा सवाल शेलार यांनी उपस्थित केला आहे. पोस्टमध्ये पुढे, “हे सुखकर्ता.. दुखहर्त्या… तुझे हे ढोंगी, स्वार्थी भक्त आज जी तुझी “आरती” करीत आहेत ते म्हणजे निव्वळ ढोंग.. ढोंग आणि ढोंग!” असंही शेलार म्हणालेत. “महाराष्ट्रातील गणेशभक्त यांच्यापासून सावध झालाच आहे, आता गणपती बाप्पा तूही यांचे हे ढोंगी रुप पाहून घे रे महाराजा!” असं पोस्टच्या शेवटी म्हटलं आहे.

श्रीमान आदित्य उद्धव ठाकरे तुम्ही तर ढोंगी आहात !

आज माघी गणेशोत्सवातील पिओपीच्या गणेश मुर्त्या अडचणीत आलायत, त्यावर खूश होऊन तर आदित्य उद्धव ठाकरे तुम्ही बोलत नाही ना?

कारण यांचे पिताश्रींनी मुख्यमंत्री असताना शंभर वर्षांहून अधिक मोठी परंपरा असलेला सार्वजनिक गणेशोत्सव…