संभल हिंसाचार प्रकरणातील मुख्य आरोपी मुल्ला अफरोजला सर्वोच्च न्यायालयाने दिलासा दिला आहे. कारण सर्वोच्च न्यायालयाने राष्ट्रीय सुरक्षा कायदा NSA १९८० च्या अंतर्गत प्रिव्हेंटिव आणि डिटेंशन रद्द केलं आहे. अफरोजला हा दिलासा दिलेला असतानाच सर्वोच्च न्यायालयाने उत्तर प्रदेश सरकारला १० लाख रूपये दंड भरा असे निर्देश दिले आहेत.
सर्वोच्च न्यायालयाने मुल्ला अफरोजबाबत अलाहाबाद हायकोर्टाने तो निर्णय रद्द केला ज्यात अफरोजला ताब्यात ठेवण्याचा आदेश कायम ठेवला होता. जस्टिस दीपांकर दत्ता आणि जस्टिस शील नागू यांच्या पीठाने सुनावणी घेत हा निर्णय दिला आहे. उत्तर प्रदेश सरकार फक्त पोलिसांच्या ताब्यात असलेल्या एका आरोपीच्या कबुलीचा आधार घेऊन त्याला ताब्यात घेण्याचा आदेश मंजूर करू शकत नाही असंही या पीठाने म्हटलं आहे. Live Law ने हे वृत्त दिलं आहे.
